சுதந்திர தின சிறப்பு நிகழ்ச்சி

திருவாரூர் மோசஸ் நடுநிலைப்பள்ளியில் மாவட்ட மைய நூலகம் சார்பில், சும்மா கிடைத்ததா சுதந்திரம் என்ற தலைப்பில் சுதந்திர தின சிறப்பு நிகழ்ச்சி அண்மையில் நடைபெற்றது.
இதில், நாட்டுக்காக பாடுபட்ட தலைவர்களின் வரலாறு குறித்து காணொளி காட்சி மூலம் விளக்கப்பட்டது. மேலும், அங்கிருந்த மாணவர்களுக்கு தலைவர்கள் பற்றிய வாழ்க்கை வரலாற்று நூல்கள் வழங்கப்பட்டதுடன், வாசிப்பு பழக்கம் குறித்து விளக்கப்பட்டது. நிகழ்ச்சியில், வாசிப்பு இயக்க ஒருங்கிணைப்பாளர் மா. ஆசைத்தம்பி பங்கேற்று நூலகத்தின் சேவைகள், நூல்கள் வாசிப்பதன் பயன்கள் குறித்து பேசினார். நிகழ்ச்சியில், பள்ளித் தாளாளர் முருகானந்தம், தலைமையாசிரியர் இரா. ஆனந்தி உள்ளிட்டோர் பங்கேற்றனர்.