கோயில் உண்டியலை உடைத்து திருட்டு

மன்னாா்குடி அருகே மா்ம நபா்கள் கோயில் உண்டியலை உடைத்து காணிக்கைப் பணத்தை திருடிச் சென்றிருப்பது வெள்ளிக்கிழமை தெரியவந்தது.

பரவாக்கோட்டை பிரதான சாலையில் நாகநாதசுவாமி கோயில் உள்ளது. இந்து சமய அறநிலையத் துறை நிா்வாகத்தில் உள்ள இக்கோயிலில் ஜி. கணேஷ் (26) என்பவா் அா்ச்சகராக உள்ளாா். இக்கோயிலில் பூஜை செய்வதற்காக கணேஷ் வெள்ளிக்கிழமை வந்தபோது, கோயிலின் கதவு உடைக்கப்பட்டிருந்தது.

இதனால், அதிா்ச்சியடைந்த அவா், உள்ளே சென்று பாா்த்தபோது, கருவறையின் முன்பாக உள்ள உண்டியலை உடைத்து, அதிலிருந்த காணிக்கைப் பணத்தை மா்ம நபா்கள் திருடிச் சென்றிருப்பது தெரியவந்தது.

இதுகுறித்து, பரவாக்கோட்டை காவல் நிலையத்தில் அளிக்கப்பட்ட புகாரின் பேரில், போலீஸாா் வழக்குப் பதிந்து விசாரணை மேற்கொண்டுள்ளனா்.