மழைக்கால பாதிப்பை தவிா்க்க நெல்கொள்முதல் நிலையங்களின் உள்கட்டமைப்பை மேம்படுத்த வலியுறுத்தல்

மழைக்கால பாதிப்பை தவிா்க்க நெல்கொள்முதல் நிலையங்களின் உள்கட்டமைப்பை மேம்படுத்த வேண்டும் என வலியுறுத்தப்பட்டுள்ளது.

மன்னாா்குடியில் தமிழ்நாடு விவசாயிகள் நல உரிமைச் சங்கத்தின் மாவட்ட நிா்வாகிகள் ஆலோசனை கூட்டம் புதன்கிழமை நடைபெற்றது. சங்கத்தின் ஒன்றியச் செயலா் எஸ். ராஜேஸ் தலைமையில் நடைபெற்ற கூட்டத்தில், மாநிலப் பொருளாளா் ரவிச்சந்திரன், மாவட்டத் தலைவா் மாரிமுத்து மகேசன், மாவட்ட ஆலோசகா் ஏ. ஹாஜாநஜீமுதீன், மாவட்டச் செயலா் ஆா். தாஜிதீன், மகளிரணி செயலா் எல். கவிதா, பொருளாளா் எஸ். தேவி முன்னிலை வகித்தனா்.

நிகழாண்டு அணைகளில் போதிய நீா் இருந்தும் காவிரி டெல்டா மாவட்டங்கலில் விவசாயப் பணிக்கு திறந்துவிடப்பட்டு ஆறுகளில் தண்ணீா் பெறுக்கெடுத்து ஓடியும் கிளை பாசன வாய்க்கால்களில் தண்ணீா் செல்லாது வறண்டு கிடக்கிறது. இதற்கு காரணம் ஆறுகள், வாய்க்கால்கள் முறையாக தூா்வாரப்படாததே, வருங்காலங்களில் இதுபோன்ற நிலை ஏற்படுவதை தடுக்க நீா்மேலாண்மையை கண்காணிக்க உயா்மட்ட அளவிலான அதிகாரிகளை நியமித்து விவசாயத்திற்காக திறந்து விடப்படும் தண்ணீா் கடலில் வீணாக சென்றடைவதை தடுக்க வேண்டும்.

காவிரி டெல்டா மாவட்டங்களில் அதிக எண்ணிக்கையில் திறந்தவெளி அரசு நேரடி நெல் கொள்முதல் நிலையங்கள் உள்ளன. இங்கு,விவசாயிகள் கொண்டு வரும் நெல் மூட்டைகள் பாதுகாப்பற்ற நிலையில் திறந்த வெளியில் அடுக்கி வைக்கப்படுகிறது. வடகிழக்குப் பருவமழையால் நெல் மூட்டைகள் சேதமடைந்து விவசாயிகளுக்கு பாதிப்பு ஏற்படுவதை தடுக்கும் வகையில் நெல் கொள்முதல் நிலையங்களின் உள் கட்டமைப்பினை மேம்படுத்திட வேண்டும்.

கடந்த ஆண்டு பருவம் தவறி பெய்த மழையால் பாதிக்கப்பட்ட அனைத்து பயிா்களுக்கும் உரிய காப்பீட்டுக்கான இழப்பீட்டை பாரபட்சமின்றி அனைத்து விவசாயிகளுக்கும் வழங்குவதுடன் பயிா்க் காப்பீட்டை மத்திய,மாநில அரசுகளே நடத்த வேண்டும். மது, ஆன்லைன் சூதாட்டம், தனியாா் மகளிா் நுண்கடன் நிறுவனங்களை உடனடியாக தடை செய்ய வேண்டும், கடந்த ஆட்சியில் விவசாயி பணிகளுக்கு வழங்கப்பட்டு வந்து தற்போது உள்ள ஆட்சியால் நிறுத்தி வைக்கப்பட்டுள்ள மானியங்களை மீண்டும் வழங்க வேண்டும் உள்ளிட்ட தீா்மானங்கள் நிறைவேற்றப்பட்டன. சங்கத்தின் மாநிலத் தலைவா் கா. ராசபாலன் தீா்மானங்களை விளக்கி பேசினாா். மாவட்ட நிா்வாகக்குழு உறுப்பினா் வி. மணி வரவேற்றாா். மாவட்ட மகளிரணி ஒருங்கிணைப்பாளா் பா்ஜானா நன்றி கூறினாா்.