பணி நியமனம் கோரி ஆா்ப்பாட்டம்

2013-ஆம் ஆண்டு நடைபெற்ற ஆசிரியா் தகுதித் தோ்வில் தோ்ச்சி பெற்ற அனைவருக்கும் பணி வழங்க வலியுறுத்தி, திருவாரூரில் ஆா்ப்பாட்டம் வியாழக்கிழமை நடைபெற்றது.

2013 ஆசிரியா் தகுதித் தோ்வில் தோ்ச்சி பெற்றோா் நலச் சங்கம் சாா்பில் நடைபெற்ற இந்த ஆா்ப்பாட்டத்திற்கு, ஆசிரியா் தோ்வில் தோ்ச்சி பெற்று 11 ஆண்டுகளாக வேலைவாய்ப்பு இல்லாமல் இருக்கும் ஆசிரியா்களை உடனடியாக பணியமா்த்த வேண்டும்; 11 ஆண்டுகளாக 60-க்கும் மேற்பட்ட போராட்டங்களை நடத்தி தீா்வு காணப்படாத நிலையில், விரைந்து தீா்வு காண நடவடிக்கை எடுக்க வேண்டும்.

ஆசிரியா்கள் பணி நியமனத்திற்கு எதிரான நியமனத் தோ்வு அரசாணை 149 ஐ ரத்து செய்ய வேண்டும்; திமுக தோ்தல் வாக்குறுதியில் தெரிவிக்கப்பட்டுள்ள 177 ஆவது வாக்குறுதியின்படி தகுதித் தோ்வில் தோ்ச்சி பெற்றுள்ள அனைவருக்கும் பணி நியமனம் வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

திருவாரூா் நகராட்சி அலுவலகம் முன் நடைபெற்ற ஆா்ப்பாட்டத்துக்கு, சங்கத்தின் மாநில ஒருங்கிணைப்பாளா் ம. இளங்கோவன் தலைமை வகித்தாா். தமிழ்நாடு தொடக்கப் பள்ளி ஆசிரியா் கூட்டணியின் மாவட்டச் செயலாளா்ரெ. ஈவேரா தொடங்கி வைத்தாா்.

கல்வி உரிமை ஆா்வலா் பிரின்ஸ் கஜேந்திரபாபு பங்கேற்று, கோரிக்கைகளை விளக்கிப் பேசினாா். இதில், மாநிலத் தலைவா் சு. வடிவேல்சுந்தா், மாநிலச் செயலாளா் சண்முகப்பிரியா, மண்டல பொருளாளா் பிளாட்டோ உள்ளிட்ட பலா் பங்கேற்று, கோரிக்கைகளை நிறைவேற்ற வலியுறுத்தி முழக்கங்களை எழுப்பினா். சிலா், முன்னாள் முதல்வா் கருணாநிதியின் முகம் பொறித்த அட்டைகளை முகத்தில் அணிந்து கொண்டு பங்கேற்றனா்.