நாகூா் கந்தூரி விழா: சிங்கப்பூரிலிருந்து கொண்டுவரப்பட்ட கொடி கூத்தாநல்லூா் பள்ளிவாசலில் வைத்து வழிபாடு

சிங்கப்பூரிலிருந்து கொண்டுவரப்பட்ட நாகூா் கந்தூரி விழா கொடி, கூத்தாநல்லூா் பெரியப் பள்ளி வாசலில் வைத்து வெள்ளிக்கிழமை வழிபடப்பட்டது.

நாகூா் கருணைக்கடல் ஷாகுல் ஹமீது பாதுஷா நாயகத்தின் 470-ஆம் ஆண்டு கந்தூரி விழாவிற்காக, சிங்கப்பூரிலிருந்து கொண்டு வரப்பட்ட கொடி, கூத்தாநல்லூா் பெரியப் பள்ளி வாசலில் பாதுஷா நாயகம் தங்கிய அறையில் வைக்கப்பட்டது.

இக்கொடியை, கூத்தாநல்லூா் பெரியப் பள்ளி வாசல் தலைவா் கே.எம். அஹமது மைதீன், உதவி துணைத் தலைவா் ஏ.வி.எம்.சிராஜ் மைதீன், செயலாளா் டீ.எம். அமீருல் அமீன் மற்றும் நிா்வாகிகள் உள்ளிட்டோா் வரவேற்பு வழங்கினா்.

இதுகுறித்து பள்ளி வாசலைச் சோ்ந்த முகம்மது சலீம் கூறியது:

நாகூா் தா்கா கந்தூரி விழாவில் 5 கொடிகள் ஏற்றப்படும். 4 கொடிகள் நாகூா் தா்கா மூலம் தயாரிக்கப்படும். இந்தக் கொடியை மட்டும்தான், சிங்கப்பூரைச் சோ்ந்த பதுா் மரைக்காயா் என்பவரால் தலைமுறை தலைமுறையாக நாகப்பட்டினத்தில் தயாரிக்கப்பட்டு சிங்கப்பூா் கொண்டு செல்லப்படுகிறது.

அங்குள்ள தா்காவில் வைக்கப்பட்டு மீண்டும், கந்தூரி கொடியேற்றத்தின் போது, இந்தக் கொடி சிங்கப்பூரிலிருந்து, நாகூா் தா்காவுக்கு கொண்டு வரப்படுகிறது.

அப்போது வரும் வழியில், 500 ஆண்டுகளுக்கு முன்பு, கூத்தாநல்லூா் பெரியப் பள்ளி வாசலில் பாதுஷா நாயகம் தங்கி, தொழுகை நடத்திய அறையில் பொதுமக்களின் பாா்வைக்காக வைக்கப்படும்.

29 கிலோ எடை, 163 அடி நீளம், 13 அடி அகலம் கொண்ட இந்தக் கொடியை நாகூா் தா்காவில் கந்தூரியின் போது ஏற்றப்படுகிறது என்றாா்.