அரவிந்த் கேஜரிவால் போட்டியிடும் புதுதில்லி தொகுதியில் வாக்காளா் மோசடி: முதல்வா் அதிஷி குற்றச்சாட்டு

புது தில்லி: வரவிருக்கும் சட்டப்பேரவைத் தோ்தலில் ஆம் ஆத்மி தலைவா் அரவிந்த் கேஜரிவால் போட்டியிடும் புது தில்லி தொகுதியில் வாக்காளா் மோசடி நடந்ததாக முதல்வா் அதிஷி குற்றம்சாட்டினாா்.

இது குறித்து ஒரு செய்தியாளா் சந்திப்பில் அவா் கூறியதாவது: கடந்த சில நாகளில்,புது தில்லி தொகுதி வாக்காளா் பட்டியலில் 10 சதவீதம் புதிய வாக்காளா்கள் சோ்க்கப்பட்டுள்ளனா். 5.5 சதவீதம் வாக்காளா்கள் நீக்கப்பட்டுள்ளனா்.

இந்த விஷயத்தில் தோ்தல் ஆணையம் விசாரிக்காததால், அதன் பங்கு சந்தேகத்திற்குரியதாகியுள்ளது.

புது தில்லி சட்டப்பேரவைத் தொகுதியில் நடந்த இந்த மோசடி குறித்து தலைமைத் தோ்தல் ஆணையருக்கு நான் ஒரு கடிதம் எழுதியுள்ளேன். மேலும், எங்கள் கவலைகளை நிவா்த்தி செய்ய நேரம் கேட்டுள்ளேன் என்று அதிஷி தெரிவித்தாா்.

ஆம் ஆத்மி கட்சியின் மூத்த தலைவா்களும் மாநிலங்களவை எம்.பி.க்களான ராகவ் சத்தா மற்றும் சஞ்சய் சிங் ஆகியோரும் இந்தச் செய்தியாளா் சந்திப்பில் கலந்து கொண்டனா். அவா்களும் இதே போன்ற கேள்விகளை எதிரொலித்தனா்.

தனது மனைவி அனிதா சிங்கின் பெயரை வாக்காளா் பட்டியலில் இருந்து நீக்கக் கோரி விண்ணப்பம் தாக்கல் செய்யப்பட்டதாக சஞ்சய் சிங் கூறினாா்.

திலி சட்டப் பேரவைத் தோ்தலுக்கு முன்னதாக பெருமளவில் வாக்காளா்கள் நீக்கப்பட்டதாக எழுந்த குற்றச்சாட்டுகளை நிவா்த்தி செய்ய அரவிந்த் கேஜரிவால் தலைமையிலான ஆம் ஆத்மி கட்சியின் பிரதிநிதிகள் குழு டிச.11 அன்று தோ்தல் ஆணையத்தைச் சந்தித்தது.

தில்லி சட்டப்பேரவைத் தோ்தல் நெருங்கி வருவதால், கடந்த தோ்தலில் 70 இடங்களில் 62 இடங்களை வென்ற ஆம் ஆத்மி கட்சி தொடா்ந்து மூன்றாவது முறையாக ஆட்சி அமைக்க இலக்கு நிா்ணயித்து களத்தில் பணியாற்றி வருகிறது. இந்நிலையில், வாக்காளா் நீக்கம் செய்யப்பட்டதாகக் கூறப்படும் குற்றச்சாட்டுகள் சா்ச்சைக்குரிய விஷயமாக மாறியுள்ளன.