ரொஹிங்கயாக்களை வெளியேற்ற வேண்டும்

சட்டவிரோதமாக குடியேறியுள்ள வங்கதேசத்தினர், ரொஹிங்கயாக்கள் ஆகியோரால் குற்றச்செயல்கள் அதிகரித்துள்ளதாக பாஜகவின் தில்லி தலைவர் மனோஜ் திவாரி தெரிவித்தார்.
இது தொடர்பாக அவர் கூறியதாவது: வங்கதேசத்தில் இருந்து சட்டவிரோதமாகக் குடியேறியவர்கள் தில்லியில் பல ஆண்டுகளாக வாழ்ந்து வருகின்றனர். இந்நிலையில், கடந்த சில ஆண்டுகளாக ரொஹிங்கயா மக்களும் அதிகளவில் தில்லியில் குடியேறியுள்ளனர். இவர்களால், தில்லியில் குற்றச்செயல்கள் அதிகரித்துள்ளன. 
மேலும், இவர்கள் தில்லி மக்களுக்கு சேர வேண்டிய வேலை வாய்ப்புகளைத் தட்டிப் பறிக்கின்றனர். இதனால், தில்லியில் மட்டும் பல லட்சம் பேர் வேலையில்லாமல் தவிக்கின்றனர். இந்நிலையில், தில்லியில் சட்டவிரோதமாக வசிக்கும் வங்கதேசத்தைச் சேர்ந்தவர்கள், ரொஹிங்கயா மக்களை அடையாளம் கண்டு உடனடியாக வெளியேற்ற வேண்டும். இதை வலியுறுத்தி மத்திய உள்துறை அமைச்சர் ராஜ்நாத் சிங்குக்கு கடிதம் எழுதியுள்ளேன் என்றார் அவர்.