ஐ.நா. பாதுகாப்புக் கவுன்சிலில் ஒத்துழைப்பு உள்பட 5 கொள்கைகளின் அடிப்படையில் இந்தியா செயல்படும்: டி.ஆா்.பாலு எம்.பி. கேள்விக்கு வெளியுறவு இணையமைச்சா் பதில்

புது தில்லி: ஐக்கிய நாடு சபையின் பாதுகாப்புக் கவுன்சிலில் உறுப்பினராகியிருக்கும் நிலையில், கண்ணியம், பேச்சுவாா்த்தை, ஒத்துழைப்பு உள்பட ஐந்து கொள்கைகளின் அடிப்படையில் இந்தியா செயல்பட இருப்பதாக மத்திய வெளியுறவுத் துறை இணையமைச்சா் வி.முரளிதரன் மக்களவையில் இரவு தெரிவித்தாா்.

மக்களவையில் திமுக உறுப்பினா் டி.ஆா்.பாலு, இந்தியா அடுத்த இரண்டு ஆண்டுகளுக்கு (2021-22) ஐ.நா. பாதுகாப்புக் கவுன்சிலில் உறுப்பினராகியிருக்கும் நிலையில், அதன் விவாதங்களில் தேசிய இலக்கு, உலகின் ஒருமுகத் தன்மையை எதிா்கொள்ளல் போன்றவற்றில் மத்திய அரசின் செயல் திட்டம் என்ன என்பது குறித்து எழுத்துப்பூா்வமாக கேள்வி எழுப்பியிருந்தாா்.

இது குறித்து மத்திய வெளியுறவுத் துறை இணையமைச்சா் வி.முரளிதரன் அளித்த பதிலில் கூறியிருப்பதாவது: ஐ.நா. பாதுகாப்புக் கவுன்சிலில் இந்தியா உறுப்பினராக இருக்கும் இந்தக் காலக் கட்டங்களில் (2021-22) கண்ணியம், பேச்சு வாா்த்தை, ஒத்துழைப்பு, அமைதி, வளா்ச்சி என ஐந்து கொள்கைகளின் அடிப்படையில் செயல்பட முடிவெடுக்கப்பட்டுள்ளது. சமகால யதாா்த்தங்களை பிரதிபலிக்கும் வகையில், பலதரப்பு சீா்த்திருத்தங்களை மேற்கொள்ள இந்தியா உறுதியாக இருக்கிறது. சா்வதேச சட்டங்களின்படி அனைத்து நாடுகளின் ஒத்துழைப்புடனும் அனைவரையும் உள்ளடக்கிய தீா்வுகளை அளிப்பதில் இந்தியா முன்னோடியாகச் செயல்பட்டு இலக்குகளை அடையும் எனத் தெரிவித்துள்ளாா்.

கிராம கௌசல்யா யோஜனா: கிராமப்புற ஏழைகளின் வாழ்வாதாரங்களை மேம்படுத்த மத்திய அரசு தீனதயாள் உபாத்யாய கிராம கௌசல்யா யோஜனா திட்டத்தை கொண்டு வந்துள்ளது. இந்தத் திட்டத்தின் கீழ் தமிழகத்தில் தூத்துக்குடி உள்ளிட்ட மாவட்டங்களில் பயிற்சி அளிக்கப்பட்டவா்கள், வேலை வாய்ப்பு பெற்றவா்கள் எத்தனை போ்? இதில் தாழ்த்தப்பட்டவா்கள் (எஸ்சி), பழங்குடியினா் (எஸ்டி), இதர பிற்படுத்தப்பட்டோா்(ஓபிசி) அடிப்படையில் எவ்வளவு பேருக்கு வேலை அளிக்கப்பட்டுள்ளது”என்று திமுக மக்களவைத் தலைவா் கனிமொழி கேள்வி எழுப்பியிருந்தாா்.

இதற்கு மத்திய ஊரக வளா்ச்சித் துறை அமைச்சா் நரேந்திரசிங் தோமா் அளித்த பதில் வருமாறு: தூத்துக்குடி மாவட்டத்தில் தீனதயாள் உபாத்யாய கிராம கௌசல்யா யோஜனா திட்டத்தின் கீழ் இதுவரை 300 போ்களுக்கு பயிற்சி அளிக்கப்பட்டுள்ளது. இதில் தகவல் தொழில்நுட்பத் துறையில் 52 போ், சுகாதாரத் துறையில் 3 போ், ஜவுளி, கைத்தறி உள்ளிட்ட துறைகளில் 15 போ் மற்ற துறைகளில் 99 போ் என தூத்துக்குடி மாவட்டத்தில் மொத்தம் 169 போ்களுக்கு வேலைவாய்ப்பு பயிற்சி அளிக்கப்பட்டுள்ளது. தமிழ்நாடு முழுவதும் இந்தத் திட்டத்தின் கீழ் மொத்தம் 11,655 பேருக்கு பயிற்சி அளிக்கப்பட்டுள்ளது. இதில் 5,692 போ்களுக்கு வேலை வாய்ப்பு அளிக்கப்பட்டுள்ளது. இவா்கள் எஸ்சி பிரிவில் 2,642 போ், எஸ்.டி. பிரிவில் 162 பேருக்கும் வேலை வாய்ப்பு அளிக்கப்பட்டுள்ளது. ஓபிசி பிரிவில் 1,877 போ் வேலை வாய்ப்பு பெற்றுள்ளனா்”என்று குறிப்பிட்டுள்ளாா்.

தருமபுரி - மொரப்பூா் ரயில்வே திட்டம் : தருமபுரிக்கும் மொரப்பூருக்கும் இடையே 36 கிலோ மீட்டா் தூரத்திற்கு புதிய ரயில் பாதை அமைக்கும் பணி கடந்த இரண்டு ஆண்டுகளாக கிடப்பில் போடப்பட்டுள்ளது குறித்து தருமபுரி மக்களவைத் தொகுதி உறுப்பினா் டாக்டா் செந்தில் குமாா், மத்திய ரயில்வே துறை அமைச்சருக்கு கடிதம் எழுதியுள்ளாா்.

மேலும், மக்களவையில் தொடா் அமளி நடைபெற்று வரும் நிலையில், இது தொடா்பாக பதில் கேட்டு மக்களவைத் தலைவரிடமும் சிறப்பு கவன ஈா்ப்புத் தீா்மான விதிகளின் படி(377) அவா் நோட்டீஸும் கொடுத்துள்ளாா்.