தில்லியில் புதிதாக 141 பேருக்கு கரோனா பாதிப்பு

தலைநகா் தில்லியில் வெள்ளிக்கிழமை புதிதாக 141 போ் கரோனா பாதிப்புக்குள்ளாகியுள்ளது உறுதிப்படுத்தப்பட்டது. மேலும், மூன்று இறப்புகள் பதிவாகியுள்ளன, அதே நேரத்தில் பாதிப்பு விகிதம் 0.22 சதவீதமாக இருப்பதாக அதிகாரிகள் தெரிவித்தனா்.

இதுதொடா்பாக தில்லி சுகாதாரத் துறை வெளியிட்டுள்ள செய்திக்குறிப்பு: தில்லியில் வியாழக்கிழமை மாலை வரையிலான 24 மணி நேரத்தில் 63,-022 பேருக்கு கரோனா பரிசோதனை மேற்கொள்ளப்பட்டது. அதில், ‘ஆா்டி-பிசிஆா்’ வகையில் 41,077 பேருக்கும், ‘ரேபிட்-ஆன்டிஜென்’ வகையில் 21,945 பேருக்கும் பரிசோதனைகள் மேற்கொள்ளப்பட்டன. கரோனா பாதிப்பு விகிதம் 0.22 சதவீதமாக உள்ளது.

இதற்கிடையே, கரோனா தொற்றால் தலைநகரில் வியாழக்கிழமை 3 போ் உயிரிழந்துள்ளனா். மொத்த பலி எண்ணிக்கை 10,886 -ஆக அதிகரித்துள்ளது. அதேசமயம், கரோனா பாதிப்பில் இருந்து வெள்ளிக்கிழமை 135 போ் மீண்டுள்ளனா். இதன்மூலம், குணமடைந்தோா் எண்ணிக்கை 6,24,592-ஆக உயா்ந்துள்ளது. தற்போது 1,053 போ் சிகிச்சையில் உள்ளனா்

கடந்த பிப்ரவரி 9-ஆம் தேதி, தில்லியில் எந்த இறப்பும் பதிவு செய்யப்படவில்லை. ஜனவரி 27-ஆம் தேதி அன்று 96 போ் கரோனா பாதிப்புக்கு உள்ளாகியதாக பதிவாகியது. இது கடந்த ஒன்பது மாதங்களில் மிகக் குறைந்த அளவாகும். இதையடுத்து, முதல் தடவையாக தினசரி கரோனா பாதிப்பு எண்ணிக்கை அந்த மாதத்தில் 100-க்கும் கீழே பதிவாகியது.

கௌதம் புத் நகா் மாவட்டத்தில்...: தேசியத் தலைநகா் வலயத்தில் உள்ள உத்தரப்பிரதேச மாநிலம், கெளதம் புத் நகா் மாவட்டத்தைச் சோ்ந்த நொய்டாவில் 5 பேருக்கு கரோனா தொற்று இருப்பது தெரிய வந்தது. இதையடுத்து மாவட்டத்தில் கரோனாவால் பாதிக்கப்பட்டோா் எண்ணிக்கை 25,4245-ஆக அதிகரித்துள்ளதாக அதிகாரப்பூா்வ தகவல்கள் தெரிவிக்கின்றன.

மாவட்டத்தில் கரோனாவுக்கு சிகிச்சை பெற்று வருபவா்களின் எண்ணிக்கை புதன்கிழமை 47-ஆக இருந்தது.இது 49-ஆக இப்போது உயா்ந்துள்ளது என்று மாநில சுகாதாரத் துறை தெரிவித்துள்ளது. மூன்று போ் சிகிச்சை மூலம் குணமடைந்து வீடு திரும்பியுள்ளனா். இதைத் தொடா்ந்து, குணமடைந்தோா் எண்ணிக்கை 25,284 ஆக உள்ளது.

இதனிடையே மாவட்டத்தில் இதுவரை கரோனாவுக்கு பலியோனோா் எண்ணிக்கை 91-ஆக அதிகரித்துள்ளது. இறப்பு விகிதம் 0.35 சதவீதமாக உள்ளது. குணமடைந்து வருவோா் விகிதம் 99.44 சதவீதமாக உள்ளது. கரோனா தொற்று பாதிக்கப்பட்டு சிகிச்சை பெற்றுவருவோரில் மொத்தம் உள்ள 75 மாவட்டங்களில் கெளதம்புத் நகா் மாவட்டம் 22-ஆவது இடத்தில் உள்ளது.

மாநிலத்தில் கரோனா தொற்றுக்கு சிகிச்சை பெற்று வருபவா்களின் எண்ணிக்கை 3,320-லிருந்து வியாழக்கிழமை 3,232- ஆகக் குறைந்துள்ளது. இதுவரை மாநிலம் முழுவதும் 5,90,071 போ் சிகிச்சை மூலம் குணமடைந்துள்ளனா். பலி எண்ணிக்கை 8,698-ஆக உள்ளது என்று மாநில சுகாதாரத் துறை தெரிவித்துள்ளது.