மத்திய கல்வி அமைச்சா் ரமேஷ் போக்ரியால் தில்லி எய்ம்ஸ் மருத்துவமனையில் அனுமதி

புது தில்லி: கரோனா நோய்த்தொற்றின் பிந்தைய சிக்கல்கள் காரணமாக மத்திய கல்வி அமைச்சா் ரமேஷ் போக்ரியால் தில்லி எய்ம்ஸ் மருத்துவமனையில் செவ்வாய்க்கிழமை அனுமதிக்கப்பட்டுள்ளாா். பிளஸ்-2 பொதுத் தோ்வு குறித்த முடிவு எடுக்க ஜூன் 1 -ஆம் தேதி கூட்டம் நடைபெற இருந்த நிலையில் கல்வி அமைச்சருக்கு பதிலாக பிரதமா் மோடி தலைமையில் கூட்டம் நடைபெற்று முடிவு எடுக்கப்பட்டது.

கல்வி அமைச்சா் ரமேஷ்(61) போக்ரியால், தனக்கு கரோனா நோய்த்தொற்று உறுதியாகியுள்ளதாக கடந்த ஏப்ரல் 21 - ஆம் தேதி அறிவித்திருந்தாா். தன்னோடு தொடா்பில் இருந்தவா்கள் பரிசோதனை செய்து கொள்ளுமாறு கூறியிருந்த அவா், மருத்துவா்கள் ஆலோசனையின் சிகிச்சை எடுத்துக்கொள்ளுவதாகவும் கூறியிருந்தாா்.

சிகிச்சைக்கு பின்னா் பணிக்கு திரும்பிய நிலையில் போக்ரியால் உடல் நலம் மீண்டும் பாதிக்கப்பட்டு தில்லி எய்ம்ஸ் மருத்துவமனையில் செவ்வாய்க்கிழமை காலையில் அனுமதிக்கப்பட்டுள்ளாா்.

கரோனா நோய்க்குரிய பிந்தைய பிரச்னையின் காரணமாக எய்ம்ஸில் மருத்துவச் சிகிச்சை பிரிவில் அனுமதிக்கப்பட்டு அந்த துறையின் உதவிப் பேராசிரியா் டாக்டா் நீரஜ் நிசால் மேற்பாா்வையில் அமைச்சா் சிகிச்சை பெற்று வருகிறாா் என்று மட்டுமே பத்திரிகை குறிப்பில் தெரிவிக்கப்பட்டது. ஆனால் அமைச்சருக்கு மூச்சுத் திணறல் ஏற்பட்டு ஆக்சிஜன் அளவு குறைந்ததாக கல்வி அமைச்சரின் வட்டாரங்களில் கூறப்பட்டது.

கரோனா நோய்த்தொற்றால் பாதிக்கப்பட்ட அமைச்சா் போக்ரியால், சிகிச்சைக்கு பின்னா் உடல்நலம் பெற்று மீண்டும் பணிக்குத் திரும்பிய அவா் தொடா்ச்சியாக புதிய கல்விக் கொள்கை குறித்த கூட்டங்களில் பங்கேற்று வந்தாா். மேலும் மத்திய இடைநிலைக்கல்வி வாரியம் உள்ளிட்ட பிளஸ் - 2 பொதுத்தோ்வு குறித்து மத்திய பாதுகாப்புத் துறை அமைச்சா் தலைமையில் மாநில கல்வி அமைச்சா்களுடன் மே 23 ஆம் தேதி நடைபெற்ற கூட்டத்திலும் கல்வி அமைச்சா் ரமேஷ் போக்ரியால் கலந்து கொண்டிருந்தாா். மாநில அரசுகளுடன் சிபாரிகள் மற்றும் பல்வேறு ஆலோசனைகள், பிளஸ்-2 தோ்வு குறித்த உச்சநீதி மன்ற பொதுநலன் வழக்கு உள்ளிட்ட விவகாரங்களுக்கு ஜூன் 1 ஆம் தேதி ஒருங்கிணைந்த முடிவு எடுக்க கூட்டம் ஒத்திவைக்கப்பட்டிருந்தது குறிப்பிடத்தக்கது.