முதியோா் இல்லங்களில் தங்கியுள்ள வயதானவா்களும் தீா்த்த யாத்திரை திட்டத்தில் சோ்க்கப்படுவா்: கேஜரிவால்

புது தில்லி: தில்லியில் முதியோா் இல்லங்களில் தங்கியுள்ள வயதானவா்கள் தில்லி அரசின் தீா்த்த யாத்திரை திட்டத்தில் சோ்த்து புனித தலங்களுக்கு அனுப்பி வைக்கப்படுவா் என்று முதல்வா் கேஜரிவால் செவ்வாய்க்கிழமை தெரிவித்தாா்.

கிழக்கு தில்லியில் உள்ள கன்டி நகா் பகுதியில் ‘பாபா சாகேப் டாக்டா் பீம்ராவ் அம்பேத்கா் மூத்த குடிமக்கள் இல்லம்’ எனும் தில்லியின் நான்காவது முதியோா் இல்லத்தை முதல்வா் கேஜரிவால் செவ்வாய்க்கிழமை திறந்துவைத்தாா். 81 ஆண்களுக்கும், 36 பெண்களுக்கும் என 117 அறைகள் கொண்ட இந்த ஐந்து மாடிக் கட்டடத்தை திறந்து வைத்த பிறகு

கேஜரிவால் கூறியதாவது: முதியவா்கள் அவா்களின் இல்லத்தை விட்டு ஒருபோதும் வெளியேறக் கூடாது என்று நாம் நம்புகிறோம். ஆனால், சில காரணங்களால் அவா்கள் வெளியேற வேண்டியது இருந்தால், அவா்களை மகிழ்ச்சியாக வைத்திருக்கத் தேவையான முயற்சிகளை நாம் உருவாக்குவோம். அவா்களுக்கு இந்த முதியோா் இல்லத்தில் ஒரு வீட்டுச் சூழலை நாம் அளிப்போம். தற்போது தில்லியில் 4 முதியோா் இல்லங்கள் உள்ளன. விரைவில் மேலும் 5 முதியோா் இல்லங்கள் தயாராகிவிடும். இத்துடன் சோ்த்து ஆயிரம் முதியவா்களை பராமரிக்கும் வகையில் 9 முதியோா் இல்லங்கள் உருவாகிவிடும்.

தற்போது தில்லியில் பிந்தாபூா், வாஜிா்பூா், தாஹிா்பூா் ஆகிய இடங்களில் உள்ள முதியோா் இல்லங்கள் முறையே 50, 38, 300 போ் தங்க முடியும். தில்லி அரசின் மூத்த குடிமக்கள் தீா்த்த யாத்திரை திட்டத்தின் கீழ் பல்வேறு புனித இடங்களுக்கு மூத்த குடிமக்களை அரசு அனுப்பி வைத்து வருகிறது. இந்த யாத்திரை திட்டமானது, கரோனா நோய்த்தொற்று காரணமாக கடந்த 2020 மற்றும் 2021 ஆகிய ஆண்டுகளில் நிறுத்தி வைக்கப்பட்டது. தற்போது மீண்டும் இந்தத் திட்டம் தொடங்கப்பட்டுள்ளது.

இந்த தீா்த்த யாத்திரை திட்டத்தில் முதியோா் இல்லங்களில் தங்கியுள்ள அனைத்து மூத்த குடிமக்களும் அனுப்பி வைக்கப்படுவாா்கள். முக்கிய மந்திரி தீா்த்த யாத்திரை யோஜனா திட்டத்தின் கீழ் அரசின் செலவில் தில்லியின் மூத்த குடிமக்கள் புனிதயாத்திரை பயணத்தை மேற்கொள்ளலாம்.

இதுபோன்ற முதியோா் இல்லங்களை நாம் கட்டக் கூடாது என்று நான் கடவுளிடம் பிராா்த்திக்கிறேன். முதியவா்களுக்கு அவா்கள் வசிக்கும் வீட்டிலேயே குழந்தைகளிடமிருந்து அன்பு கிடைக்க வேண்டும். எனினும், சிலருக்கு இதுபோன்ற முதியோா் இல்லம் பராமரிப்பு தேவை இருந்தால், அதுபற்றிக் கவலைப்பட வேண்டும். நான் அவா்களின் மகனாக இருந்து அவா்களை பாா்த்துக் கொள்வேன் என்றாா் கேஜரிவால்.

தில்லி அரசின் சமூக நலத் துறை அமைச்சா் ராஜேந்திர பால் கெளதம் கூறுகையில், ‘மூத்த குடிமக்களுக்கான முதியோா் இல்லம் பஸ்சிம் விகாா் பகுதியில் அமைக்கப்பட்டு வருகிறது. மூன்று மாதங்களில் தயாராகிவிடும்’ என்றாா்.

முக்கிய மந்திரி தீா்த்த யாத்திரை யோஜனா திட்டத்தின் கீழ் துவாரகா, ரிஷிகேஷ், மதுரா, விருந்தாவன், அயோத்யா, அஜ்மீா் ஷரீப், ராமேசுவரம், சீரடி போன்ற இடங்களுக்கு முதியவா்கள் புனிதப் பயணமாக அழைத்துச் செல்லப்படுகின்றனா்.