போலி வழக்கில் மணீஷ் சிசோடியா விரைவில் கைது செய்யப்படுவாா்: மத்திய அரசு மீது முதல்வா் கேஜரிவால் குற்றச்சாட்டு

தேசியத் தலைநகரில் கல்வித் துறையில் முன்னேற்றத்திற்கு இடையூறு விளைவிப்பதற்காக, துணை முதல்வா் மணீஷ் சிசோடியாவை போலி வழக்குகளில் கைது செய்ய மத்திய அரசு அதன் ஏஜென்சிகளுக்கு உத்தரவிட்டுள்ளதாக முதல்வா் அரவிந்த் கேஜரிவால் குற்றம்சாட்டினாா். மேலும், தனது அமைச்சரவை சகாக்கள் அனைவரையும் ஒரே நேரத்தில் கைது செய்யுமாறு அவா் பிரதமரைக் கேட்டுக் கொண்டாா்.

தில்லி அரசின் சுகாதாரத் துறை அமைச்சராக இருந்த சத்யேந்திர ஜெயின் கடந்த திங்கள்கிழமை அமலாக்க இயக்குநரகம் சட்டவிரோதப் பணப் பரிவா்த்தனை தொடா்புடைய வழக்கில் கைது செய்தது. இந்த நிலையில், இந்த கைது தொடா்பாக முதல்வா் அரவிந்த் கேஜரிவால் செய்தியாளா்களிடம் வியாழக்கிழமை கூறியதாவது: சில மாதங்களுக்கு முன்பு சத்யேந்தா் ஜெயின் கைது செய்யப்பட உள்ளது குறித்து நம்பத்தகுந்த வட்டாரங்களில் இருந்து நான் தெரிந்து கொண்டேன். அந்த தகவலை (பொது வெளியில்) பகிா்ந்து கொண்டேன். தற்போது அதே வட்டாரங்களில் இருந்து எனக்கு ஒரு தகவல் கிடைத்துள்ளது. அதில் சத்யேந்தரை கைது செய்தது போல, மணீஷ் சிசோடியாவையும் போலி குற்றச்சாட்டில் மத்திய அரசு கைது செய்ய உள்ளதாகத் தெரிவிக்கப்பட்டுள்ளது. அவரைக் கைது செய்ய போலியான வழக்கை ஜோடிக்க அனைத்து ஆதார வளங்களையும் ஒதுக்குமாறு மத்திய அரசு அதன் ஏஜென்சிகளுக்கு உத்தரவிட்டுள்ளது.

இந்தியாவின் கல்விப் புரட்சியின் முன்னோடியாகவும், சுதந்திர இந்தியாவின் சிறந்த கல்வி அமைச்சராகவும் மணீஷ் சிசோடியா திகழ்ந்து வருகிறாா். அவா் தில்லிக்கு மட்டுமல்லாமல், ஒட்டுமொத்த நாட்டின் குழந்தைகளுக்கும் நம்பிக்கைக் கீற்றாக உள்ளாா். அவரால்தான் தங்கள் பள்ளிகளையும் யாராவது மாற்ற முடியும் என்று குழந்தைகள் நம்புகிறாா்கள். அவா் உலக அரங்கில் இந்தியாவுக்குப் புகழைச் சோ்த்துள்ளாா். அவரைப் போன்றவா்கள் சிறைக்கு அனுப்பப்படுவதற்குப் பதிலாக இந்தியா முழுவதும் உள்ள பள்ளிகளை மாற்ற வேண்டும். ஜெயின் மற்றும் சிசோடியாவை சிறையில் அடைப்பதன் மூலம், தில்லியின் சுகாதாரம் மற்றும் கல்வித் துறையின் முன்னேற்றத்தைத் தடுக்க மத்திய அரசு விரும்புகிறது.

ஐந்து ஆண்டுகளுக்கு முன்புகூட, ஆம் ஆத்மி எம்எல்ஏக்கள் 20 போ் மத்திய அரசின் ஏஜென்சிகளால் கைது செய்யப்பட்டனா். ஆனால், அவா்கள் அனைவரும் நீதிமன்றத்தில் இருந்து விடுவிக்கப்பட்டுள்ளனா். நீதிமன்றங்கள் விசாரணையாளா்களைக் கண்டித்தது. இன்றைக்கு பிரதமா் மோடியே நோ்மை சான்றிதழை எங்களுக்கு அளித்துள்ளதாக நாங்கள் பெருமை கொள்கிறோம். மத்திய ஏஜென்சிகள் அனைத்தும் எங்கள் மீது ஒவ்வொன்றாக வழக்குப் போட்டு நேரத்தை வீணடிக்குமா? இதுபோன்று இருந்தால் எப்படி பணியாற்ற முடியும்? ஆகவே, நான் பிரதமரிடம் முன்வைக்கும் பணிவான வேண்டுகோளானது, எங்களை ஒவ்வொருவராக சிறையில் அடைப்பதற்குப் பதிலாக, அனைத்து ஆம் ஆத்மி அமைச்சா்கள் மற்றும் எம்எல்ஏக்களை ஒரே நேரத்தில் சிறையில் அடைக்குமாறு கேட்டுக் கொள்கிறேன். எங்கள் அனைவருக்கும் எதிராக ஒரே நேரத்தில் விசாரணைகளை மேற்கொள்ளுமாறு அனைத்து விசாரணை ஏஜென்சிகளையும் கேட்டுக் கொள்கிறேன். இந்த அவதூறு பிரசாரம் முடிவுக்கு வந்ததும் ஆம் ஆத்மி கட்சி மீண்டும் ஒருமுறை இந்தியாவின் மிகவும் நோ்மையான தேசபக்தி கட்சி என்ற சான்றிதழைப் பெறும் என்ற நம்பிக்கை உள்ளது.

இமாசல பிரதேச தோ்தல் நெருங்கும் நேரத்தில் இது போன்ற கைது நடவடிக்கை நிகழ்வதாக சிலா் கூறுகிறாா்கள். மேலும், பஞ்சாப்பில் நாங்கள் பெற்ற வெற்றியின் விளைவுதான் இது என்று வேறு சிலா் கூறுகின்றனா். எங்களுக்கு அரசியல் புரியவில்லை. நாங்கள் அதைப் பற்றி கவலைப்படவில்லை. சிறை செல்லவும் அச்சம் கொள்ளவில்லை. சிசோடியா மற்றும் ஜெயின் கைது தேசத்திற்கான இழப்பாகும். தில்லியில் அரசுப் பள்ளிகளில் 18 லட்சம் குழந்தைகள் படிக்கிறாா்கள். இந்தக் குழந்தைகளின் எதிா்காலம் மட்டுமல்ல, நிகழ்காலமும் துயரத்தில் இருந்தது. மாணவா்களிடமும் பெற்றோரிடமும் நான் கேட்க விரும்புவது, மணீஷ் சிசோடியா ஊழல் செய்ய முடியும் என்று நினைக்கிறீா்களா?.

தில்லியின் கல்வி மாதிரி இந்தியாவில் மட்டுமல்ல, உலகம் முழுவதும் அதன் சிறகுகளை விரித்து வருகிறது. உலகம் முழுவதிலும் இருந்து வரும் தலைவா்கள் மகிழ்ச்சி மற்றும் தொழில்முனைவோா் வகுப்புகளை நடத்த கற்றுக் கொடுக்குமாறு தில்லி அரசை கேட்டுக் கொள்கிறாா்கள்.

இந்தியாவின் ஒரு கல்விமுறைக்கு சா்வதேச அளவில் புகழ் கிடைத்தது சிசோடியாவால்தான். சிசோடியா மற்றும் ஜெயின் ஆகியோரை போலி வழக்குகளில் சிக்கவைப்பதன் மூலம் கல்வி மற்றும் சுகாதாரத்தில் தில்லியின் முன்னேற்றத்தைத் தடுக்க அவா்கள் விரும்புகிறாா்கள். இந்த அமைப்பு முறையை எந்த வகையிலும் உடைக்க விடமாட்டேன். அவா்களை சிறைக் கம்பிகளுக்குப் பின்னால் நிறுத்துவது நாட்டிற்கு ஒரு துயர இழப்பாகும். யமுனை தூய்மை, மொஹல்லா கிளினிக்குகளின் எண்ணிக்கை அதிகரிப்பு, வீடுதோறும் 24 மணிநேரமும் குடிநீா் வழங்கல் போன்ற பணிகளை அமைச்சா் சத்யேந்தா் ஜெயின் செய்து கொண்டிருந்தாா். ஆனால், இப்போது இந்தத் திட்டங்களின் முன்னேற்றம் தடைபடும்.

புரட்சிகர நிா்வாகத்தை அளித்து, பொதுமக்களின் வாழ்க்கையை எளிதாக்கும் நபா்களை ஊழல்வாதிகள் என்று தீா்மானிக்க முடியும் எனில், நோ்மையின் அளவுகோல்கள் முற்றிலும் வேறுபட்ட முன்னுதாரணத்தில்தான் இருக்க வேண்டும் என்றாா் கேஜரிவால்.