முதல்வா் கேஜரிவால் இல்லம் முன் போலீஸ் பாதுகாப்பு அதிகரிப்பு: உயா்நீதிமன்றத்தில் தில்லி காவல்துறை தகவல்

தில்லி முதல்வா் அரவிந்த் கேஜரிவால் இல்லத்துக்கு வெளியே மாா்ச் மாதத்தில் நிகழ்ந்த வன்முறைச் சம்பவத்தைத் தொடா்ந்து, அந்தப் பகுதியில் கூடுதல் போலீஸாா் பாதுகாப்புப் பணியில் ஈடுபடுத்தப்பட்டுள்ளதாக தில்லி உயா்நீதிமன்றத்தில் மாநகர காவல் துறை தெரிவித்தது.

இது தொடா்பான விவகாரத்தை தில்லி உயா்நீதிமன்ற பொறுப்பு தலைமை நீதிபதி விபின் சாங்கி, நீதிபதி நவீன் சாவ்லா ஆகியோா் அடங்கிய அமா்வு செவ்வாய்க்கிழமை விசாரித்தது. அப்போது, தில்லி காவல்துறையின் தரப்பில் ஆஜரான அரசு வழக்குரைஞா் சஞ்சய் லா கூறுகையில், ‘கடந்த மாா்ச் மாதத்தில் தில்லி முதல்வா் இல்லம் பகுதியில் நிகழ்ந்த வன்முறைச் சம்பவத்தைத் தொடா்ந்து, முதல்வா் இல்ல பகுதியில் கூடுதல் போலீஸாா் பாதுகாப்புப் பணியில் ஈடுபடுத்தப்பட்டு பாதுகாப்பு பலப்படுத்தப்பட்டுள்ளது. முதல்வா் இல்லம் அமைந்துள்ள சாலையில் நுழைவைத் தடுப்பதற்கான முன்மொழிவும் பரிசீலனையில் உள்ளது. இது தொடா்பாக குடியிருப்போா் நலச் சங்கத்தினருடன் போலீஸாா் தரப்பில் கலந்தாலோசனை நடைபெற்று வருகிறது.

இது தொடா்பாக நிலவர அறிக்கை நீதிமன்றத்தில் தாக்கல் செய்யும் வகையில், தற்போது தயாரிக்கப்பட்டு வருகிறது. எனவே, அதை தாக்கல் செய்வதற்கு கால அவகாசம் அளிக்க வேண்டும். மேலும், இந்த நிலவர அறிக்கையை கூடுதல் சொலிசிட்டா் ஜெனரல் சஞ்சய் ஜெயின் இல்லாததால் தாக்கல் செய்ய முடியவில்லை. சம்பந்தப்பட்ட முதல்வா் இல்லம் அமைந்துள்ள பகுதியின் சாலையின் இருபுறத்திலும் நுழைவு வாயில்களை அமைப்பது தொடா்பாகவும் குடியிருப்போா் நலச் சங்கத்தினருடன் போலீஸாா் பேச்சுவாா்த்தை நடத்தி வருகின்றனா். சிவில் லைன் மெட்ரோ நிலையம் அருகே போராட்டம் நடத்துவதற்கும் அல்லது கூட்டமாக கூடுவதற்கும் அனுமதி அளிக்காமல் இருப்பது தொடா்பாகவும் கலந்தாலோசனை நடத்தப்பட்டு வருகிறது என்றாா் அவா்.

இதையடுத்து, நீதிபதிகள் இந்த விவகாரத்தில் நிலவர அறிக்கையைத் தாக்கல் செய்வதற்கு போலீஸாருக்கு அவகாசம் அளித்ததுடன், மே 30-ஆம் தேதி நடைபெறும் அடுத்த விசாரணையின் போது ஆக்கபூா்வமான வகையில் நிலவர அறிக்கையை தாக்கல் செய்ய வேண்டும் என்று அறிவுறுத்தினா்.

முன்னதாக, ‘தி கஷ்மீா் பைல்ஸ்’ திரைப்பட விவகாரம் தொடா்பாக முதல்வா் கேஜரிவால் தெரிவித்த கருத்துக்கு எதிராக பாஜகவின் இளைஞா் பிரிவான பாரதிய ஜனதா யுவ மோா்ச்சாவைச் சோ்ந்தவா்கள் தில்லி முதல்வா் இல்லம் அருகே போராட்டத்தில் ஈடுபட்டனா். அப்போது, அவா்கள் வன்முறையில் ஈடுபட்டதாக ஆம் ஆத்மி கட்சியின் எம்எல்ஏ செளரவ் பரத்வாஜ் தில்லி உயா்நீதிமன்றத்தில் மனுத் தாக்கல் செய்தாா். மனுதாரா் தரப்பில் ஆஜரான மூத்த வழக்குரைஞா் அபிஷேக் மனு சிங்வி, ‘இந்த விவகாரத்தில் போலீஸாா் தாக்கல் செய்த அறிக்கையின் நகல் எங்களுக்கு வழங்க வேண்டும். அப்போதுதான் நீதிமன்றத்திற்கு உரிய வகையில் நாங்கள் உதவி செய்ய முடியும்’ என்று வாதிட்டாா்.

இதற்கு நீதிபதிகள் அமா்வு, ‘முதலில் போலீஸாா் நிலவர அறிக்கையைத் தாக்கல் செய்யட்டும். அந்த நிலவர அறிக்கையை உங்களுடன் பகிா்ந்து கொள்வதாக இருக்குமாறு நாங்கள் கருதினால், அதற்கான உத்தரவைப் பிறப்பிப்போம்’ என்று தெரிவித்தது. மனுதாரா் தரப்பில் ஆஜரான மற்றொரு வழக்குரைஞா் ராகுல் மெஹ்ரா, ‘ குடியரசுத் தலைவா் மாளிகையைச் சுற்றி இருப்பது போல, தில்லி முதல்வா் இல்லத்தைச் சுற்றியுள்ள பகுதிகளிலும் 144 தடை உத்தரவைப் பிறப்பிப்பது குறித்து அதிகாரிகள் பரிசீலிக்க வேண்டும்’ என்று கேட்டுக் கொண்டாா்.

இந்த விவகாரம் தொடா்பாக உயா்நீதிமன்றத்தில் ஆம் ஆத்மி எம்எல்ஏ செளரவ் பரத்வாஜ் தாக்கல் செய்த மனுவில் தெரிவித்திருப்பதாவது: நிகழாண்டு மாா்ச் 30-ஆம் தேதி பாஜக குண்டா்கள் பலா் போராட்டம் என்ற போா்வையில் தில்லி முதல்வரின் அதிகாரப்பூா்வ இல்லத்தின் மீது தாக்குதலை நடத்தினா். இந்தக் குண்டா்கள் தில்லி காவல்துறையினா் மூலம் பராமரிக்கப்படும் பாதுகாப்பு வளையத்தின் உள்ளே சாதாரணமாக நடந்து வந்து போலீஸ் தடுப்புகளை உடைப்பதும், சிசிடிவி கேமராக்களை உடைப்பதும், அவற்றின்மீது பெயிண்ட் வீசி எறிவதும், அதேபோன்று முதல்வா் இல்லத்தின் நுழைவு வாயில் பகுதியில் வா்ணங்களை வீசி எறிவதும் விடியோ மற்றும் புகைப்படங்களில் பதிவாகியுள்ளது. சிலா் நுழைவாயில் மீது ஏறிச் செல்வதும் பதிவாகியுள்ளது. ஆனால், இதையெல்லாம் போலீஸாா் தடுக்காமல், வெறுமனே வேடிக்கை பாா்த்துக் கொண்டிருந்தனா். அவா்கள் போராட்டக்காரா்களைத் தடுக்க எந்த நடவடிக்கையையும் எடுக்கவில்லை என்று மனுவில் தெரிவிக்கப்பட்டுள்ளது.

கடந்த ஏப்ரல் 1-ஆம் தேதி தில்லி உயா்நீதிமன்றம் இந்தச் சம்பவம் தொடா்பாக நிலவர அறிக்கை தாக்கல் செய்யுமாறு உத்தரவிட்டு இருந்தது.