தண்ணீா் தட்டுப்பாட்டைக் கண்டித்து ஜேஎன்யு விடுதி மாணவா்கள் போராட்டம்

தில்லியில் அதிகரித்து வரும் வெப்பநிலைக்கு மத்தியில், அடிப்படைத் தேவைகள் மறுக்கப்படுவதாகக் கூறி, ஜவாஹா்லால் நேரு பல்கலைக்கழக (ஜேஎன்யு) மாணவா்கள் வியாழக்கிழமை பல விடுதிகளில் தண்ணீா் பற்றாக்குறையை எதிா்த்துப் போராட்டத்தில் ஈடுபட்டனா்.

மாணவா்களின் டீன் அலுவலகத்திற்கு வெளியே திரண்டு போராட்டத்தில் ஈடுபட்ட மாணவா்கள், விடுதிகளில் தண்ணீா் விநியோகம் சரியில்லை என்றும் சிறிய கொள்ளளவு கொண்ட தொட்டிகள் வளாகத்தில் தண்ணீா் பற்றாக்குறையை மோசமாக்கியுள்ளதாகவும் கூறினா். இருப்பினும், ஜவாஹா்லால் நேரு பல்கலைக்கழக (ஜேஎன்யு) நிா்வாகத்திடம் இருந்து உடனடி எதிா்வினை எதுவும் கிடைக்கவில்லை.

இது குறித்து எம்ஃபில் படிக்கும் மதுரிமா குண்டு கூறுகையில், ‘இந்தக் கடும் வெயிலில் தொடா்ந்து தண்ணீா் தட்டுப்பாடு ஏற்பட்டு வருவது நம் அனைவரையும் பாதிக்கிறது. விடுதிகளில் தொடா்ந்து தண்ணீா் இல்லாததால், பல மாணவா்கள் நோய்வாய்ப்பட்டு வருகின்றனா். நள்ளிரவில் அடிக்கடி குடிநீரைத் தேடி வெளியே செல்ல வேண்டியுள்ளது. நிா்வாகம் இப்பிரச்னையை விரைவில் தீா்க்க வேண்டும்’ என்றாா்.

போராட்டத்தில் ஈடுபட்ட மாணவா்கள் தங்களது கோரிக்கைகளை வலியுறுத்தி சுவரொட்டிகளை ஏந்தியும் முழக்கங்களை எழுப்பினா். அனைத்து விடுதி மாணவா்களின் தலைவா்களும், குடியிருப்பாளா்களுடன் சோ்ந்து, வளாகத்தில் தண்ணீா் பற்றாக்குறைக்கு எதிா்ப்பு தெரிவித்தனா். ஆராய்ச்சி மாணவி ஸ்வாதி சிங் கூறுகையில், ‘ஜே.என்.யு. நிா்வாகம், மாணவா்கள் நீரிழப்பு மற்றும் தண்ணீா் பற்றாக்குறையை கையாள்வது பற்றி சிறிதும் கவலைப்படாமல் இருப்பது வெட்கக்கேடானது. எங்களுக்கு அடிப்படை வாழ்க்கைத் தேவை மறுக்கப்படுகிறது’ என்றாா்.

‘கிட்டத்தட்ட எல்லா தங்கும் விடுதிகளிலும் தண்ணீா் பற்றாக்குறை உள்ளது. தண்ணீா் விநியோகத்திற்கான நிலையான நேரங்கள் இல்லை. தண்ணீா் தொட்டிகள் சிறியதாக உள்ளன. குடிநீா் கூட அடிக்கடி தீா்ந்துவிடுகிறது’ என்றும் அவா் மேலும் கூறினாா்.