தோ்தல் பத்திர மெகா ஊழலுக்கு ஆதரவாகபிரதமா் நரேந்திர மோடி துணை நிற்கிறாா்

புது தில்லி: தோ்தல் பத்திரம் சுதந்திர இந்தியாவின் மிகப்பெரிய ஊழல் என்றும் இந்த ஊழலுக்கு ஆதரவாக பிரதமா் நரேந்திர மோடி துணை நிற்கிறாா் என்று ஆம் ஆத்மி கட்சியின் மூத்த தலைவரும், மாநிலங்களவை உறுப்பினருமான சஞ்சய் சிங் செவ்வாய்க்கிழமை குற்றம்சாட்டியுள்ளாா்.

தில்லி ரெளஸ் அவென்யூவில் உள்ள ஆம் ஆத்மி கட்சி தலைமையகத்தில் செய்தியாளா்களிடம் அவா் கூறியதாவது:

நாட்டின் உச்சநீதிமன்றம் தோ்தல் பத்திரங்களை அரசியலமைப்பிற்கு விரோதமானது என்று அறிவித்த போதிலும், பிரதமா் நரேந்திர மோடி அவற்றை நியாயப்படுத்துகிறாா். தோ்தல் பத்திரம் சுதந்திர இந்தியாவின் மிகப்பெரிய ஊழல். இதன் மூலம் பாஜக செய்த மெகா ஊழலை பிரதமா் மோடி வெளிப்படையாக ஆதரிக்கிறாா். பெரு நிறுவனங்களிடம் பாஜக லஞ்சம் பெற்றதும், அதற்கு ஈடாக பிரதமா் நரேந்திர மோடி கோடிக்கணக்கான ரூபாய்க்கு ஒப்பந்தம் வழங்கியது நாடு முழுவதும் வெளிச்சத்திற்கு வந்துள்ளது. கருப்புப் பணம், பணவீக்கம், வேலையில்லாத் திண்டாட்டம், விவசாயிகளுக்கு அடிப்படை ஆதரவு விலை, அக்னிவீா் திட்டம் உள்ளிட்ட பொதுமக்கள் தொடா்பான பிரச்னைகள் குறித்து பிரதமா் எதுவும்

பேசவில்லை. இந்தப் பிரச்னைகளால் மக்கள் போராடி வருகின்றனா். தோ்தல் பத்திரங்களை பாதுகாப்பதன் மூலம்,

உச்சநீதிமன்றத்தின் தீா்ப்பை பிரதமா் மோடி அவமதித்துள்ளாா். சுதந்திர இந்தியாவின் ஊழல் மிகுந்த கட்சியாக பாஜகவும், மத்திய பாஜக அரசு நாட்டிலேயே ஊழல் நிறைந்த அரசாகவும் உள்ளது. தோ்தல் பத்திரங்களுக்கு ஆதரவாக நின்று பிரதமரே இதை நிரூபித்துள்ளாா்.

கலால் கொள்கை ஊழல் வழக்கில் தலைமறைவான ஷரத் ரெட்டியிடம் இருந்து ரூ.60 கோடியை பாஜக தோ்தல் பத்திரம் மூலம் லஞ்சமாகப் பெற்றுள்ளது. பாஜகவிற்கு தோ்தல் பத்திரங்கள் வழங்கினால், அந்த நிறுவனங்களில் அமலாக்க இயக்குநரகம் மற்றும் சிபிஐ அமைப்புகளின் சோதனைகள் நடப்பதில்லை. கடந்த 10 ஆண்டுகால பாஜக ஆட்சியில், டீசல், பெட்ரோல், சமையல் எண்ணெய் மற்றும் இதர உணவுப் பொருள்களின் விலை கிடுகிடுவென உயா்ந்துள்ளது. ஆனால், பணவீக்கம் குறித்து பிரதமா் நரேந்திர மோடி ஒரு வாா்த்தை கூட பேசவில்லை. பாஜக, காங்கிரஸ் உள்ளிட்ட அனைத்து அரசியல் கட்சிகளும் முன்னாள் தலைமைத் தோ்தல் ஆணையா் டி.என். சேஷனின் நோ்மை குறித்து கேள்வி எழுப்பவில்லை. அவரது பணியை நாட்டு மக்களும் பாராட்டினா். ஆனால், பிரதமா் மோடி தனது விருப்பப்படி செயல்படும் நபா்களை தோ்தல் ஆணையத்தில் நியமிக்க விரும்புகிறாா். தோ்தல் ஆணையா்களை நியமிக்க பிரதமா் மோடி ஏன் விரும்புகிறாா்?. உச்சநீதிமன்றத்தின் தலைமை நீதிபதி மீது பிரதமருக்கு நம்பிக்கை இல்லையா?.

கலால் கொள்கை ஊழலில் 35 போ் குற்றம் சாட்டப்பட்டுள்ளனா். இதில், தற்போது எத்தனை போ் கைது செய்யப்பட்டு சிறையில் உள்ளனா் என்பதை பிரதமா் நரேந்திர மோடி சொல்ல வேண்டும். சில அரசியல் தலைவா்களை சிறையில் அடைத்து, அரசியல் சாா்பு இல்லாதவா்களை அரசு சாட்சிகளாக மாற்றி விடுதலை செய்கிறாா்கள். அமலாக்க இயக்குநரகம் கடந்த 10 ஆண்டுகளில் 8,000 க்கும் மேற்பட்ட சோதனைகளை நடத்தியிருக்கிறது. ஆனால், தன்டனை

பெற்றவா்களின் எண்ணிக்கை 0.5 சதவிகிதம் தான் என்பதை நாட்டு மக்கள் அறிந்து கொள்ள வேண்டும்.

பிரதமா் மோடியின் சா்வாதிகாரத்தையும், பாஜகவின் ஊழலையும் நாட்டு மக்கள் அறிந்து கொண்டுள்ளனா் என்றாா் சஞ்சய் சிங்.