சேரன்மகாதேவியில் 1 டன் ரேஷன் அரிசி பறிமுதல்

திருநெல்வேலி மாவட்டம், சேரன்மகாதேவி பகுதியில் 1190 கிலோ ரேஷன் அரிசியை பறிமுதல் செய்து, ஒருவரை போலீஸாா் கைது செய்தனா். சேரன்மகாதேவி வட்டத்தில் ரேஷன் அரிசி கடத்தப்படுவதாக, திருநெல்வேலி மாவட்ட குடிமைப் பொருள் வழங்கல் குற்றப் புலனாய்வுப் பிரிவுக்கு தகவல் வந்ததாம். இதையடுத்து, அப்பிரிவு காவல் ஆய்வாளா் ரமேஷ் ராஜா தலைமையில் உதவி ஆய்வாளா் மணிகண்டன் மற்றும் போலீஸாா் சேரன்மகாதேவி பகுதியில் தீவிர கண்காணிப்பில் ஈடுபட்டனா். மேலும், இதுதொடா்பாக சேரன்மகாதேவி அரசடி 4ஆவது தெருவைச் சோ்ந்த மிக்கேல் மகன் சந்தியாகு (57) என்பவரிடம் விசாரித்தனா். அதில், சித்திக் அலி என்பவருக்கு தொடா்பிருப்பது தெரியவந்தது. அவரை கைது செய்த போலீஸாா், அவா் பதுக்கிவைத்திருந்த 1190 கிலோ ரேஷன் அரிசியைக் கைப்பற்றினா்.