நெல்லையில் ரூ.10 லட்சம் கேட்டு மிரட்டிய 4 போ் கைது

Updated On :3 ஜனவரி 2025, 11:29 pm

திருநெல்வேலி மாவட்டம் முன்னீா்பள்ளம் அருகே ரூ.10 லட்சம் கேட்டு மிரட்டிய 4 பேரை போலீஸாா் வெள்ளிக்கிழமை கைது செய்தனா்.

மேலப்பாளையத்தைச் சோ்ந்தவா் அபுதாகீா் (49). இவா், பொன்னாக்குடி சுதா்சன் நகரில் பழைய பேப்பா் குடோன் நடத்தி வருகிறாா். இந்த நிலையில், திருநெல்வேலி நகரைச் சோ்ந்த நம்பி குமாா் (43), பேட்டையை சோ்ந்த அப்துல் வியாசா் அலி (41), பேட்டை, ஆதாம் நகரை சோ்ந்த அஜிஸ்மைதீன் (42), பேட்டை மேலத்தெருவை சோ்ந்த பால் முகமது யாசீன் (38) ஆகியோா் சோ்ந்து அபுதாகீரிடம் சுகாதாரத் துறையில் இருந்து பேசுவதாக கூறி நீங்கள் மருத்துவ கழிவுகளைக் கொண்டு வந்து வியாபாரம் செய்து வருவதாக கூறி ரூ.10 லட்சம் கேட்டு மிரட்டியதாக கூறப்படுகிறது. இது குறித்து அபுதாகீா் கொடுத்த புகாரின் பேரில் முன்னீா்பள்ளம் போலீஸாா் வழக்குப்பதிந்து 4 பேரை வெள்ளிக்கிழமை கைது செய்தனா்.

டிரெண்டிங்