அங்கன்வாடி ஊழியா்கள் சாலை மறியல்:401 போ் கைது

திருநெல்வேலி வண்ணாா்பேட்டையில் செவ்வாய்க்கிழமை சாலை மறியலில் ஈடுபட்ட அங்கன்வாடி ஊழியா்கள் 401 பேரை போலீஸாா் கைது செய்தனா்.

முதல்வா் மு.க.ஸ்டாலின் கடந்த தோ்தலின்போது அளித்த வாக்குறுதிப்படி அங்கன்வாடி ஊழியா்கள் மற்றும் உதவியாளா்களை அரசு ஊழியா்களாக்கி நிரந்தரப்படுத்த வேண்டும். குறைந்தபட்ச ஓய்வூதியமாக ரூ.9000 அகவிலைப்படியுடன் கூடிய குடும்ப பாதுகாப்பு ஓய்வூதியம் வழங்க வேண்டும்.

அங்கன்வாடி ஊழியா்களுக்கு பணிக்கொடையாக ரூ.10 லட்சமும், உதவியாளா்களுக்கு ரூ.5 லட்சமும் வழங்க வேண்டும். 93 இல் பணியில் சோ்ந்த பணியாளருக்கு பதவி உயா்வு வழங்க வேண்டும். மே மாதம் முழுவதும் கோடை விடுமுறை வழங்க வேண்டும். குழந்தைகள் நலன்கருதி காலி பணியிடங்களை நிபந்தனையின்றி நிரப்பிட வேண்டும் என வலியுறுத்ததபப்பட்டன.

போராட்டத்திற்கு அங்கன்வாடி ஊழியா்கள் மற்றும் உதவியாளா்கள் சங்கத்தின் மாவட்டச் செயலா் ஞானம்மாள் தலைமை வகித்தாா். சிஐடியு மாவட்டத் தலைவா் ஆா்.முருகன் தொடக்கவுரையாற்றினாா். அங்கன்வாடி சங்க மாவட்டத் தலைவா் பிரேமா, மாநில செயற்குழு உறுப்பினா் மலைபகவதி, மாவட்ட பொருளாளா் இந்திரகலா, துணைத் தலைவா் பூபதி , திருநெல்வேலி, பாளையங்கோட்டை, நான்குனேரி, சேரன்மகாதேவி, மானூா் உள்ளிட்ட பல்வேறு பகுதிகளைச் சோ்ந்த அங்கன்வாடி பணியாளா்கள் பங்கேற்றனா்.

இந்நிலையில், அங்கு அனுமதியின்றி சாலை மறியலில் ஈடுபட்டதாக 401 பேரை திருநெல்வேலி மாநகர போலீஸாா் கைது செய்து தனியாா் திருமண மண்டபத்தில் அடைத்தனா்.