எஸ்எஸ்எல்சி தேர்வு: நாகர்கோவில் அல்போன்சா பள்ளி 100% தேர்ச்சி

எஸ்எஸ்எல்சி பொதுத் தேர்வில் நாகர்கோவில் அல்போன்சா மெட்ரிக் மேல்நிலைப் பள்ளி 100 சதவீத தேர்ச்சி பெற்றுள்ளது.
இப்பள்ளியில் தேர்வு எழுதிய 208 மாணவர்களும் தேர்ச்சி பெற்றனர். அவர்களில் முறையே 496, 494, 493 என அதிக மதிப்பெண்கள் பெற்றுள்ளனர். 17 மாணவர்கள் 490-க்கு மேல் மதிப்பெண்கள் பெற்றுள்ளனர். 480-க்கு மேல் 56 பேரும், 475-க்கு மேல் 63 பேரும் மதிப்பெண்கள் பெற்றுள்ளனர். தொடர்ந்து 16 ஆண்டுகளாக இப்பள்ளி 100 சதவீத தேர்ச்சியை பெற்று வருகிறது. கணிதத்தில் ஒருவர், அறிவியலில் 6 பேர், சமூகஅறிவியலில் 28 பேர் முழு மதிப்பெண்கள் பெற்றுள்ளனர்.
பிளஸ் 2 பொதுத் தேர்வு: இப்பள்ளியில் பிளஸ் 2 பொதுத் தேர்வு எழுதிய 313 மாணவர்களும் தேர்ச்சி பெற்றனர். அவர்களில் முறையே 1174, 1163, 1157, 1155 என அதிக மதிப்பெண்கள் பெற்றுள்ளனர்.
1,150-க்கு மேல் 7 பேரும், 1,100-க்கு மேல் 57 பேரும் மதிப்பெண்கள் பெற்றுள்ளனர். கணிதத்தில் 10 பேரும், வேதியியலில் 2 பேரும் முழு மதிப்பெண்கள் பெற்றுள்ளனர்.
தேர்ச்சி பெற்ற மாணவர்களை பள்ளித் தாளாளர் தாமஸ் பெளவத்துப்பறம்பில், பள்ளி முதல்வர் லிஸ்பெத், துணை முதல்வர்கள் அஜின்ஜோஸ், பிரேம்கலா, பெற்றோர்-ஆசிரியர் கழகத் தலைவர் சேவியர் சந்திரபோஸ் ஆகியோர் பாராட்டினர்.