சூரியனைச் சுற்றி வானவில் நிறத்தில் ஒளிவட்டம் பொதுமக்கள் பாா்த்து ரசித்தனா்

சூரியனைச் சுற்றி வானவில் நிறத்தில் ஒளிவட்டம் தோன்றியதை வியாழக்கிழமை குமரி மாவட்டத்தில் பல்வேறு பகுதிகளிலும் மக்கள் ரசித்துப் பாா்த்தனா்.

குமரி மாவட்டத்தில் குலசேகரம், திற்பரப்பு, பேச்சிப்பாறை உள்ளிட்ட பல பகுதிகளில் வியாழக்கிழமை நண்பகலில் வானவில் நிறங்களில் ஒளி வட்டம் தோன்றியது. இந்த ஒளிவட்டம் குறித்த தகவல்கள் சமூக வலை தளங்களில் பரவியதையடுத்து ஏராளமான மக்கள் இதைக் கண்டு களித்தனா்.

இதுகுறித்து வானியல் நிபுணா் ஒருவா் கூறியது: சூரியனைச் சுற்றி அபூா்வமாக இது போன்ற ஒளிவட்டம் தோன்றும். இதனை சன் ஹாலோ என்று கூறுவா். குளிா் பிரதேச நாடுகளில் இது போன்ற ஒளி வட்டங்கள் அடிக்கடி நிகழும். ஆனால் வெப்ப மண்டல நாடுகளில் இத்தகைய நிகழ்வுகள் அபூா்வமாகவே நிகழும். வளி மண்டலத்திலுள்ள பனிப் படிமங்கள் வழியாக சூரியனின் ஒளி ஊடுருவிச் செல்லும் போது இது போன்ற நிகழ்வுகள் ஏற்படுகின்றன. இந்த ஒளி வட்டம் வானவில் நிறத்தில் வண்ணமயமாகத் தோன்றுவதால் இந்தக் காட்சி கண்கொள்ளாக் காட்சியாகவே அமைகிறது என்றாா் அவா்.