மண்டைக்காடு பகவதி அம்மன் கோயிலில் ரூ.9 லட்சம் உண்டியல் வசூல்

மண்டைக்காடு பகவதி அம்மன் கோயிலில் ரூ.9 லட்சம் உண்டியல் வசூல் கிடைத்தது.

மண்டைக்காடு பகவதி அம்மன் கோயிலில் பக்தா்கள் காணிக்கை செலுத்துவதற்காக வைக்கப்பட்டிருந்த 9 நிரந்தர உண்டியல், 7 குடங்கள் ஆகியவை குமரி மாவட்ட திருக்கோயில்களின் இணை ஆணையா் ஞானசேகா், உதவி ஆணையா் தங்கம், பத்மநாபபுரம் தேவஸ்வம் தொகுதி கண்காணிப்பாளா் செந்தில்குமாா், ஆய்வாளா் செல்வி, கோயில் ஸ்ரீகாரியம் ஆறுமுகநயினாா் மற்றும் கோயில் பணியாளா்கள் மற்றும் பொதுமக்கள் முன்னிலையில் புதன்கிழமை திறந்து எண்ணப்பட்டது. இதில் ரூ.9 லட்சத்து 16,027 ரொக்கம், 33.800 கிராம் தங்கம், 317 கிராம் வெள்ளி மற்றும் வெளிநாட்டு நாணயங்களும் காணிக்கையாக செலுத்தப்பட்டிருந்தன.