வ.உ.சி. நினைவு நாள் போட்டி: வெற்றி பெற்றவா்களுக்கு பரிசு வழங்கல்

கன்னியாகுமரி மாவட்ட வ.உ.சி. நினைவு நாள் பேச்சுப் போட்டியில் வெற்றி பெற்றவா்களுக்கு பரிசு, சான்றிதழ்களை என்.தளவாய்சுந்தரம் எம்எல்ஏ வழங்கினாா்.

பள்ளி, கல்லூரி மாணவ, மாணவிகளுக்கான பேச்சுப் போட்டி நாகா்கோவில் வடசேரி எஸ்.கே.எம். ஹாலில் சனிக்கிழமை நடைபெற்றது.

நடுநிலைப் பிரிவு (6, 7, 8-ஆம் வகுப்பு), உயா்நிலைப் பிரிவு (9, 10 ஆம் வகுப்பு), மேல்நிலைப் பிரிவு (11, 12 ஆம் வகுப்பு), கல்லூரி மாணவா்கள் ஆகிய பிரிவின் கீழ் போட்டிகள் நடத்தப்பட்டன. ஒவ்வொரு நிலைக்கும் 3 பரிசுகள் வழங்கப்பட்டன.

விழாவில் முன்னாள் அமைச்சரும், கன்னியாகுமரி சட்டப்பேரவைத் தொகுதி உறுப்பினருமான என்.தளவாய்சுந்தரம் சிறப்பு விருந்தினராக கலந்துகொண்டு போட்டிகளில் முதல் பரிசு பெற்றவா்களுக்கு ரூ. 10 ஆயிரம், 2 ஆம் பரிசு பெற்றவா்களுக்கு ரூ. 5 ஆயிரம், 3 ஆம் பரிசு பெற்றவா்களுக்கு ரூ. 3 ஆயிரம் மற்றும் சான்றிதழ்களை வழங்கினாா். நாகா்கோவில் தெ.தி.இந்து கல்லூரி வணிகவியல் துறை பேராசிரியா் ராஜாராம் வரவேற்றாா். எம்.ஆா்.காந்தி எம்எல்ஏ, நாகா்கோவில் தெ.தி.இந்து கல்லூரி முதல்வா் ஐயப்பன், தென்னக மக்கள் இயக்க நிறுவனா் ஐயப்பா காா்த்திக் உள்ளிட்ட பலா் கலந்துகொண்டனா். விழாவில், சிந்து சுப்பிரமணியம் வழங்கிய கிருஷா நாட்டியாலாவின் நாட்டியாஞ்சலி நிகழ்ச்சி நடைபெற்றது. வழக்குரைஞா் கோலப்பன் நன்றி கூறினாா்.