மாா்த்தாண்டம் அருகே பள்ளி ஆண்டு விழா

மாா்த்தாண்டம், வெட்டுவெண்ணி என்.வி.கே.எஸ். வித்யாலயா பள்ளியில் 15ஆம் ஆண்டு விழா நடைபெற்றது.

என்.வி.கே.எஸ். கல்விக் குழுமத் தலைவா் வழக்குரைஞா் ரெகுகுமாா் தலைமை வகித்தாா். துணைத் தலைவா் முகுந்தன், கல்விக் குழுமச் செயலா் வழக்குரைஞா் கிருஷ்ணகுமாா் ஆகியோா் முன்னிலை வகித்தனா்.

இஸ்ரோ முன்னாள் இயக்குநா் உன்னிகிருஷ்ணன் நாயா் சிறப்பு விருந்தினராகவும், நாகா்கோவில் பயோனியா் குமாரசுவாமி கல்லூரி தமிழ்த் துறை இணைப் பேராசிரியா் கோலப்பதாஸ் கௌரவ விருந்தினராகவும் பங்கேற்றனா்.

பொதுத் தோ்வுகளில் அதிக மதிப்பெண்கள் பெற்ற மாணவா்களுக்கு பரிசுகள் வழங்கப்பட்டன. பள்ளி முதல்வா் அனிதா அறிக்கை வாசித்தாா். என்.வி.கே.எஸ்.டி. கல்வியியல் கல்லூரி முதல்வா் ஸ்ரீலதா, என்.வி.கே.எஸ். பள்ளிகளின் கல்வி இயக்குநா் ராமச்சந்திரன் நாயா், ஆற்றூா் என்.வி.கே.எஸ். மேல்நிலைப் பள்ளி முதல்வா் சதீஷ்குமாா், துணை முதல்வா் ஆஷா, கல்விக் குழு உறுப்பினா்கள், ஆசிரியா்கள், மாணவா்கள் பங்கேற்றனா்.

துணை முதல்வா் சுமா கோபன் வரவேற்றாா். ஆசிரியா் ஆா்யா நன்றி கூறினாா். ஆசிரியைகள் ஜெயலட்சுமி, ஸ்மிதா ஆகியோா் நிகழ்ச்சிகளைத் தொகுத்து வழங்கினா்.