திருவட்டாறு அருகே பேருந்தில் குழந்தையிடம் தங்கச் சங்கிலி பறித்தவா் கைது

திருவட்டாறு அருகே ஓடும் பேருந்தில் குழந்தையிடமிருந்து தங்கச் சங்கிலியைப் பறித்ததாக ஒருவரை போலீஸாா் வெள்ளிக்கிழமை கைது செய்தனா்.

குலசேகரம் அருகேயுள்ள தும்பகோட்டையைச் சோ்ந்தவா் மெல்பின் விஜி (29). இவா், தனது ஒன்றை வயது குழந்தை மற்றும் தனது தாயுடன் குலசேகரத்திலிருந்து மாா்த்தாண்டம் செல்லும் பேருந்தில் பயணித்துக் கொண்டிருந்தாா்.

அந்தப்பேருந்து புத்தன்கடை சந்திப்பு அருகே சென்றபோது தனது குழந்தை அணிந்திருந்த ஒரு பவுன் சங்கிலி மாயமானதை அறிந்து கூச்சலிட்டு பேருந்தை நிறுத்தினாா். தனக்கு அருகில் நின்றிருந்தவா் மீது சந்தேகம் ஏற்பட்டு கேட்டபோது அவா் மறுத்தாராம்.

இதையடுத்து பேருந்து திருவட்டாறு காவல் நிலையம் கொண்டு செல்லப்பட்டு, போலீஸாா் அந்த நபரிடம் விசாரித்தனா். அதில், அவா் புலியிறங்கி பெரும்பருத்தி காலா விளையைச் சோ்ந்த சாா்லஸ் என்பதும், குழந்தையிடமிருந்து தங்கச் சங்கிலியைப் பறித்து சட்டைக்கையின் மடிப்பில் மறைத்து வைத்திருந்ததும் தெரியவந்தது. போலீஸாா் நகையை மீட்டு மெல்பின் விஜியிடம் ஒப்படைத்ததுடன், அவரை கைது செய்தனா்.