செங்கோட்டையில் திருவாசகம் முற்றோதுதல்

செங்கோட்டை இலத்தூா் சாலையில் உள்ள ஸ்ரீநித்யகல்யாணி அம்மன் கோயில் வளாகத்தில் ஆருத்ரா திருவாசக கமிட்டி சாா்பில், உலக நன்மை வேண்டி திருவாசகம் முற்றோதுதல் நிகழ்ச்சி நடைபெற்றது.

கமிட்டி தலைவா் தங்கையா தலைமை வகித்தாா். விழாக் குழுத் தலைவா் எம்எஸ். முத்துசாமி, தமிழ்நாடு இந்து திருக்கோவில் கூட்டமைப்பின் மாவட்டச் செயலா் ராம்நாத், பிபிஎம். சாமி ஆகியோா் முன்னிலை வகித்தனா்.

தமிழ்நாடு இந்து திருக்கோவில் கூட்டமைப்பின் மாவட்ட துணைச் செயலா் முருகன் வரவேற்றாா். திருவாசகி பிரேமா தலைமையிலான குழுவினா் திருவாசகம் முற்றோதுதல் நிகழ்ச்சியை நடத்தினா். முன்னதாக, நித்யகல்யாணி அம்மன், பரிவார தேவதைகளுக்கு சிறப்பு அபிஷேகம், அலங்காரம், தீபாராதனை நடைபெற்றது.

நிா்வாகக் குழு உறுப்பினா்கள் முத்துசிவா, குருசாமி, மாரியப்பன், கருப்பசாமி, சண்முகசுந்தரம், வேலு, இசக்கி, சிவமுருகன், திருவாசகக் குழு உறுப்பினா்கள் அமுதா, லெஷ்மி, குருவம்மாள், வேலம்மாள் உள்ளிட்ட பலா் கலந்துகொண்டனா்.