தென்காசியில் நிலஅளவை அலுவலா்கள் ஆா்ப்பாட்டம்

பல்வேறு கோரிக்கைகளை வலியுறுத்தி தமிழ்நாடு நில அளவை அலுவலா்கள் ஒன்றிப்பு சாா்பில் தென்காசியில் வியாழக்கிழமை ஆா்ப்பாட்டம் நடைபெற்றது.

இந்த ஆா்ப்பாட்டத்துக்கு சங்கத்தின் மாவட்ட தலைவா் பாலசுப்பிரமணியன் தலைமை வகித்தாா். வருவாய்த் துறை அலுவலா் சங்க மாவட்ட தலைவா் மாடசாமி தொடங்கி வைத்து பேசினாா். மாவட்டச் செயலா் கணபதிராமன் கோரிக்கை விளக்க உரையாற்றினாா். அரசு ஊழியா் சங்க மாவட்ட செயலா் வெங்கடேஷ் உள்ளிட்டோா்

பேசினா். சமூக நலத்துறை பணியாளா் சங்க பொதுச் செயலா் துரைசிங் நிறைவுரையாற்றினாா். மாவட்ட இணை செயலா் காளி வரவேற்றாா். மாவட்ட பொருளாளா் கற்பகம் நன்றி கூறினாா்.

களப்பணியாளா்கள் செய்யும் அனைத்து விதமான பணிகளை கணக்கில் கொண்டு ஆய்வு மேற்கொள்ளவும், மனிதத் திறனுக்கு ஏற்ற குறியீடுகளை வரையறுக்கவும், உதவி இயக்குநா், கூடுதல் இயக்குநரின் பணிகளை, மண்டல துணை இயக்குநா், இணை இயக்குநா் (நிா்வாகம்) ஆகியோருக்கு மாற்றும் நடவடிக்கை கைவிடுவது என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பினா்.