தூய யோவான் கல்லூரியில் தொழில்முனைதல் விளக்க முகாம்

பாளையங்கோட்டை தூய யோவான் கல்லூரியில் மாணவர்களுக்கான தொழில்முனைதல் குறித்த விழிப்புணர்வு முகாம் 3 நாள்கள் நடைபெற்றது.
கல்லூரியின் சுயநிதி வணிகவியல்துறை மற்றும் இந்திய தொழில் முனைவோர் மேம்பாட்டுக் கழகம் நிதியுதவியுடன் நடைபெற்ற இம்முகாமை, கல்லூரி முதல்வர் ஜான் கென்னடி தலைமை வகித்து, தொடங்கிவைத்தார்.
இதில், மாவட்ட தொழில் மையம், பல்வேறு கல்லூரிகளின் பேராசிரியர்கள், வங்கி மேலாளர்கள், முதன்மை தொழிலதிபர்கள் பங்கேற்று தொழில் முனைதல் குறித்துப் பேசினர். கல்லூரி துணை முதல்வர் ஜவஹர் சாமுவேல், வணிகவியல்துறைத் தலைவர் ஜேனிஸ் பிபியானா ஆகியோர் வாழ்த்திப் பேசினர். முகாம் நிறைவில் கங்கைகொண்டான் சிப்காட், தனியார் கார்பன் நிறுவனங்களுக்கு மாணவர்கள் அழைத்துச் செல்லப்பட்டு  தொழில்முனைதல் குறித்து விளக்கம் அளிக்கப்பட்டது. மேலும், முகாமில் பங்கேற்றவர்களுக்கு சான்றிதழ்கள் வழங்கப்பட்டன.