பாளை. அம்மன் கோயிலில் திருட்டு

பாளையங்கோட்டையில் அம்மன் கோயில் உண்டியலை உடைத்து பணத்தைத் திருடிய மர்மநபர்களை போலீஸார் தேடி வருகிறார்கள்.
பாளையங்கோட்டை, கோட்டூர் சாலையில் பாளையங்கால்வாய் கரையோரம் அருள்மிகு உச்சினிமாகாளியம்மன் கோயில் உள்ளது. இங்கு கடந்த வாரம் கொடை விழா நடைபெற்றது. இந்நிலையில் சனிக்கிழமை மாலையில் பூஜை முடிந்ததும் நிர்வாகிகள் கோயிலை பூட்டிச் சென்றனராம். ஞாயிற்றுக்கிழமை காலையில் வந்து பார்த்தபோது, கோயில் உண்டியல் உடைக்கப்பட்டு அதிலிருந்த ரூ.10 ஆயிரம் பணத்தை மர்மநபர்கள் திருடிச்சென்றது தெரியவந்தது. இதுகுறித்த புகாரின்பேரில் பாளையங்கோட்டை குற்றப்பிரிவு போலீஸார் வழக்குப்பதிந்து விசாரித்து வருகிறார்கள்.