சங்கர்நகரில் ஜூன் 10இல் கிரிக்கெட் வீரர்கள் தேர்வு முகாம்

திருநெல்வேலி அருகே சங்கர்நகரில் கிரிக்கெட் வீரர்கள் தேர்வு முகாம் இம்மாதம் 10ஆம் தேதி நடைபெறவுள்ளது.
இதுதொடர்பாக திருநெல்வேலி மாவட்ட கிரிக்கெட் சங்கச் செயலர் எஸ். ராம்குமார் வெளியிட்ட செய்திக்குறிப்பு: 2017-18ஆம் ஆண்டுக்கான 14, 16 வயதுக்கு உள்பட்ட கிரிக்கெட் வீரர்கள் தேர்வு முகாம் ஞாயிற்றுக்கிழமை (ஜூன் 10) பிற்பகல் 2.30 மணிக்கு சங்கர்நகர் புல்வெளி மைதானத்தில் நடைபெறவுள்ளது. தேர்வில் பங்கேற்கும் வீரர்கள் வெள்ளை நிற சீருடை, வெள்ளை நிற ஷூ அணிந்து வர வேண்டும். அசல் பிறப்புச் சான்றிதழ் கொண்டுவர வேண்டும். 14 வயதுக்கு உள்பட்டோருக்கான பிறந்த தேதி 1.9.2004-க்கு பிறகும், 16 வயதுக்கு உள்பட்டோருக்கான பிறந்த தேதி 1.9.2002-க்கு பிறகும் இருக்க வேண்டும் என்றார் அவர்.