வென்னிமலை முருகன் கோயிலில் தைப்பூச விழா

பாவூர்சத்திரம் காமராஜ்நகர் வென்னிமலை முருகன் கோயிலில் தைப்பூச திருவிழா நடைபெற்றது. இதையொட்டி அதிகாலை 5 மணிக்கு கணபதி ஹோமம், விவசாய செழிக்க வேண்டி சிறப்பு பூஜை ஆகியவை நடைபெற்றன. 
காலை 9 மணிக்கு வள்ளி தெய்வானை சமேத முருகன் திருக்கல்யாணமும், அதைத் தொடர்ந்து பகல் 12 மணிக்கு சிறப்பு அபிஷேக, அலங்கார, தீபாராதனை நடைபெற்றது. 
இந்நிகழ்ச்சியில் பாவூர்சத்திரம், கீழப்பாவூர் பகுதிகளைச் சேர்ந்த  ஏராளமான பக்தர்கள் கலந்து கொண்டனர். ஏற்பாடுகளை கோயில் நிர்வாகத்தினர் செய்திருந்தனர்.