கரோனாவுக்கு பலியான உதவி ஆய்வாளா் நினைவாக புறக்காவல் நிலையம்

திருநெல்வேலியை அடுத்த கரையிருப்பு பகுதியில் கரோனாவுக்கு பலியான காவல் உதவி ஆய்வாளா் நினைவாக கட்டப்பட்டுள்ள புறக் காவல் நிலையம் சனிக்கிழமை திறக்கப்பட்டது.

திருநெல்வேலி, தச்சநல்லூா் காவல் நிலையத்தில் உதவி ஆய்வாளராக பணிபுரிந்தவா் முருகன். இவா், சில மாதங்களுக்கு முன்பு கரோனாவால் பாதிக்கப்பட்டு உயிரிழந்தாா்.

கரோனா பொது முடக்கக் காலத்தில் சிறப்பாக பணிபுரிந்த முருகன், அதிகாரிகள் மத்தியில் பாராட்டை பெற்றவா். இவரின் சொந்த ஊரான தச்சநல்லூரை அடுத்த கரையிருப்பு பகுதியில் அதிக குற்றச் சம்பவங்கள் நடைபெறுவதால் திருநெல்வேலி - மதுரை நெடுஞ்சாலையில் புறக்காவல் நிலையம் அமைக்க முருகன் விரும்பியதாகக் கூறப்படுகிறது.

இந்த நிலையில் முருகனின் நினைவாக அவரது மனைவி சாந்தி மற்றும் 3 மகள்களும் சோ்ந்து அங்கு புறக்காவல் நிலையம் ஒன்றை தங்கள் சொந்த செலவில் அமைத்துள்ளனா். மேலும் அப்பகுதி இளைஞா்கள் பயன்பெறும் வகையில் புறக் காவல் நிலையத்துக்குள் நூலக வசதியும் ஏற்படுத்தியுள்ளனா்.

இதன் திறப்பு விழா சனிக்கிழமை நடைபெற்றது. திருநெல்வேலி மாநகர காவல் ஆணையா் தீபக் எம்.டாமோா் கலந்துகொண்டு புறக்காவல் நிலையத்தை திறந்து வைத்தாா்.

இதில், மாநகர காவல் துணை ஆணையா் (சட்டம்-ஒழுங்கு) சரவணன், திருநெல்வேலி நகர காவல் உதவி ஆணையா் சதீஷ் குமாா் உள்ளிட்ட அதிகாரிகள் பங்கேற்றனா்.

இதுகுறித்து மாநகர காவல் துணை ஆணையா் சரவணன் கூறுகையில், ‘உயிரிழந்த உதவி ஆய்வாளா் முருகனின் நினைவாக இந்த புறக்காவல் நிலையம் அமைக்கப்பட்டுள்ளது.

மேலும் இங்கு நூலகமும் திறக்கப்பட்டுள்ளது. இப்பகுதியை சோ்ந்த இளைஞா்கள் போட்டித் தோ்வுக்கு தயாராக இந்த நூலகம் பயன்படும். இந்த புறக்காவல் நிலையம் அமைக்கப்பட்டு இருப்பது அவருக்கு மேலும் பெருமை சோ்ப்பதாக அமைந்துள்ளது’ என்றாா்.