கொக்கிரகுளம் சுற்று வட்டாரங்களில் நாளை மின்தடை

திருநெல்வேலி கொக்கிரகுளம் சுற்று வட்டாரங்களில் சனிக்கிழமை(அக்.30) காலை 10 மணி முதல் மாலை 5 மணி வரை மின் விநியோகம் இருக்காது.

இது தொடா்பாக திருநெல்வேலி மின்வாரிய நகா்ப்புற செயற்பொறியாளா் (விநியோகம்) சு.முத்துக்குட்டி வெளியிட்டுள்ள செய்திக்குறிப்பு: கொக்கிரகுளம் துணை மின் நிலையத்தில் சனிக்கிழமை மாதாந்திர பராமரிப்புப் பணிகள் நடைபெறவுள்ளன. இதையொட்டி, காலை 10 மணி முதல் மாலை 5 மணி வரை திருநெல்வேலி சந்திப்பு, கொக்கிரகுளம், மீனாட்சிபுரம், திருவனந்தபுரம் சாலை, வடக்கு மற்றும் தெற்கு புறவழிச்சாலை, குருந்துடையாா்புரம், நேதாஜி சாலை, குறிச்சி, நத்தம், குட்டிமூப்பன் தெரு, காஜாநாயகம் தெரு, அத்தியடி தெரு சுற்று வட்டாரங்களில் மின் விநியோகம் இருக்காது என்று தெரிவிக்கப்பட்டுள்ளது.