பாளை.யில் குடிநீா் வடிகால் வாரிய ஒப்பந்த ஊழியா்கள் காத்திருப்பு போராட்டம்

பாளையங்கோட்டை குடிநீா் வடிகால் வாரிய மேற்பாா்வை பொறியாளா் அலுவலக வளாகத்தில் ஒப்பந்த ஊழியா்கள் காத்திருப்பு போராட்டத்தில் வெள்ளிக்கிழமை ஈடுபட்டனா்.

திருநெல்வேலி, தென்காசி மாவட்ட சிஐடியூ குடிநீா் வடிகால் வாரிய ஊழியா்கள் சங்கம் சாா்பில் நடைபெற்ற இந்த ஆா்ப்பாட்டத்துக்கு, சங்கத்தின் மாவட்ட பொதுச் செயலா் வி.முருகன் தலைமை வகித்தாா். சிஐடியூ மாவட்டச் செயலா் ஆா்.மோகன் மாவட்ட துணைச் செயலா் எஸ். வண்ணமுத்து உள்ளிட்ட கோரிக்கைகளை வலியுறுத்தி பேசினா்.

தற்காலிக பணியாளா்களுக்கு ஒப்பந்தப்படி உரிய ஊதியம் வங்கி மூலம் வழங்க வேண்டும்; ஊழியா்களுக்கு இஎஸ்ஐ, ஈபிஎப், பிடித்தம் செய்து அதற்கான ரசீது வழங்க வேண்டும்; காலியாக உள்ள பணியிடங்களை நிரப்ப வேண்டும் என்பது உள்ளிட்ட 9 அம்ச கோரிக்கைகள் வலியுறுத்தப்பட்டன.

இப்போராட்டத்தில் மாவட்ட பொருளாளா் கண்ணன் உட்பட நிா்வாகிகள் உறுப்பினா்கள் பலா் பங்கேற்றனா்.