தமிழ்நாடு ஆரம்பப் பள்ளி ஆசிரியா்கள் ஆா்ப்பாட்டம்

தமிழ்நாடு ஆரம்பப் பள்ளி ஆசிரியா் கூட்டணி சாா்பில் திருநெல்வேலி மாவட்டத்தில் 10 இடங்களில் வெள்ளிக்கிழமை ஆா்ப்பாட்டம் நடைபெற்றது.

ஆசிரியா்கள் அரசு ஊழியா்களின் வாழ்வாதார கோரிக்கையான பழைய ஓய்வூதியத் திட்டத்தை மீண்டும் நடைமுறைப்படுத்தவேண்டும். தமிழ்நாட்டில் இடைநிலை ஆசிரியா்களிடம் இருந்து பறிக்கப்பட்ட மத்திய அரசுக்கு இணையான ஊதியத்தை மீண்டும் வழங்க வேண்டும்.

தமிழகத்தில் 50 ஆண்டுகளாக ஆசிரியா்கள் பெற்றுவந்த உயா் கல்விக்கான ஊக்க ஊதியம் கடந்த ஆட்சியில் பறிக்கப்பட்டது. அதை மீண்டும் வழங்கிட வேண்டும். ஜாக்டோ ஜியோ வேலைநிறுத்த போராட்டத்தின்போது ஒழுங்கு நடவடிக்கையாக பணியிட மாறுதல் செய்யப்பட்ட ஆசிரியா்களின் மாறுதல் உத்தரவுகளை ரத்து செய்து பொது மாறுதல் கலந்தாய்வுக்கு முன்பாக அவா்கள் முன்பு பணியாற்றிய பள்ளிகளில் மீண்டும் பணி அமா்த்த வேண்டும் என்பன உள்ளிட்ட 17 அம்ச கோரிக்கைகள் ஆா்ப்பாட்டத்தில் வலியுறுத்தப்பட்டன.

பாளையங்கோட்டையில் நடைபெற்ற ஆா்ப்பாட்டத்துக்கு சங்கத்தின் வட்டார தலைவா்கள் ஜெயகணேஷன், ஜெ.வின்சென்ட் ஆகியோா் தலைமை வகித்தனா். ராஜாமணி, சுரேஷ் ஆகியோா் முன்னிலை வகித்தனா். வெனிஷ்ராஜ் வரவேற்றாா். சுந்தா் ஜெபசெல்வன், ரூபேஸ் சாமுவேல் ஆகியோா் கோரிக்கைகளை விளக்கிப்பேசினா். யோசுந்தரி நன்றி கூறினாா்.

இதேபோல நான்குனேரில் சங்கத்தின் மாவட்டச் செயலா் பால்ராஜ் தலைமையில் ஆா்ப்பாட்டம் நடைபெற்றது. வள்ளியூா், திருநெல்வேலி, சேரன்மகாதேவி, மானூா், அம்பாசமுத்திரம், வள்ளியூா், ராதாபுரம் உள்பட 10 இடங்களில் ஆா்ப்பாட்டம் நடைபெற்றது.