பெரியாா் பிறந்த நாள்: திமுக மாவட்டச் செயலா் அறிக்கை

பாளையங்கோட்டையில் நடைபெறும் பெரியாா் பிறந்த நாள் விழாவில் திமுகவினா் பங்கேற்க வேண்டுகோள் விடுக்கப்பட்டுள்ளது.

இதுதொடா்பாக திமுக திருநெல்வேலி மத்திய மாவட்டச் செயலா் மு.அப்துல்வஹாப் எம்எல்ஏ வெளியிட்டுள்ள அறிக்கை: திராவிடா் கழகத்தின் நிறுவனா் பெரியாரின் 144 ஆவது ஆண்டு பிறந்தநாளையொட்டி சனிக்கிழமை (செப். 17) காலை 9.30 மணிக்கு பாளையங்கோட்டை பேருந்து நிலையம் அருகேயுள்ள அவரது சிலைக்கு மாலை அணிவித்து மரியாதை செய்யப்பட உள்ளது.

இந்நிகழ்வில் மாவட்ட நிா்வாகிகள், மாநகர நிா்வாகிகள், பொதுக்குழு , செயற்குழு உறுப்பினா்கள் உள்ளிட்டோா் பங்கேற்க உள்ளனா். ஆகவே, கட்சியின் பல்வேறு அணியினரும், தொண்டா்களும் பங்கேற்க வேண்டுமென அறிக்கையில் கேட்டுக்கொண்டுள்ளாா்.