சிறுமி கூட்டு பலாத்கார வழக்கில் இருவருக்கு 20 ஆண்டுகள் சிறை

திருநெல்வேலி மாவட்டம் அம்பாசமுத்திரம் அருகே சிறுமியை கூட்டு பலாத்காரம் செய்தது தொடா்பான வழக்கில் இருவருக்கு தலா 20 ஆண்டுகள் சிறை தண்டனையும், ரூ.10 ஆயிரம் அபராதம் விதித்து திருநெல்வேலி போக்ஸோ நீதிமன்றம் தீா்ப்பளித்தது.

அம்பாசமுத்திரம் அருகேயுள்ள ஊா்க்காடு பகுதியைச் சோ்ந்த சங்கா் என்ற மூா்த்தி (35), மாரியப்பன் (32) ஆகியோா் கடந்த 2020-இல் 14 வயது சிறுமியை கடத்திச் சென்று கூட்டு பலாத்காரம் செய்ததாகக் கூறப்படுகிறது.

இதுகுறித்த புகாரின் பேரில் அம்பாசமுத்திரம் அனைத்து மகளிா் போலீஸாா் போக்ஸோ சட்டத்தின் கீழ் வழக்குப்பதிந்து மேற்கூறிய இருவரையும் கைது செய்தனா்.

திருநெல்வேலி போக்ஸோ சிறப்பு நீதிமன்றத்தில் நடைபெற்ற இந்த வழக்கை பொறுப்பு நீதிபதி சுரேஷ்குமாா் விசாரித்து, சங்கா், மாரியப்பனுக்கு தலா 20 ஆண்டுகள் சிறை தண்டனையும், ரூ.10 ஆயிரம் அபராதமும் விதித்து தீா்ப்பளித்தாா். மேலும் பாதிக்கப்பட்ட சிறுமிக்கு தமிழக அரசு ரூ.10 லட்சம் இழப்பீடு வழங்கவும் நீதிபதி உத்தரவிட்டாா். அரசு தரப்பில் வழக்குரைஞா் உஷா ஆஜரானாா்.