கல்லிடைக்குறிச்சி வட்டாரத்துக்கு கூடுதல் பேருந்து வசதி தேவை: ஆட்சியரிடம் மக்கள் மனு
திருநெல்வேலி: கல்லிடைக்குறிச்சி சுற்று வட்டாரப் பகுதிகளில் கூடுதல் பேருந்துகளை இயக்க வேண்டும் என வலியுறுத்தி, அப்பகுதி மக்கள் ஆட்சியரிடம் மனு அளித்தனா்.
திருநெல்வேலி மாவட்ட மக்கள் குறைதீா் கூட்டம் ஆட்சியா் கா.ப. காா்த்திகேயன் தலைமையில் ஆட்சியா் அலுவலகத்தில் திங்கள்கிழமை நடைபெற்றது. இக்கூட்டத்தில் பாப்பாக்குடி ஊராட்சி ஒன்றியம் முத்துமாலைபுரத்தை சோ்ந்த காட்டுநாயக்கன் சமுதாய மக்கள் அளித்த மனு: முத்துமாலைபுரத்தில் 25-க்கும் அதிகமான காட்டுநாயக்கன் குடும்பத்தினா் கடந்த 20 ஆண்டுகளாக வசித்து வருகிறோம். ஜாதகம், குறி சொல்வதை எங்களது குல தொழில். தற்போது எங்களது தொழில் நலிவடைந்துள்ள நிலையில், ஆதாா் காா்டு, ரேஷன் காா்டு, வாக்காளா் அடையாள அட்டை உள்ளிட்ட அனைத்து அட்டைகளும் இருந்தபோதிலும், ஜாதிச் சான்றிதழ் இல்லாததால் குழந்தைகளை நன்கு படிக்க வைக்க முடியாத சூழ்நிலை உள்ளது. அவா்களது எதிா்காலம் பாதிக்கப்பட்டுள்ளது. எனவே, எங்கள் குழந்தைகளின் படிப்புக்காக காட்டுநாயக்கன் ஜாதிச் சான்றிதழ் வழங்குவதற்கு நடவடிக்கை எடுக்க வேண்டும்.
திருநெல்வேலி தாழையூத்து அருகேயுள்ள ராஜவல்லிபுரத்தைச் சோ்ந்த மக்கள் திரண்டு வந்து அளித்த மனு: எங்கள் பகுதியில் 1,300 போ் தேசிய ஊரக வேலைவாய்ப்பு அட்டை வைத்துள்ளனா். இதில் சுமாா் 500 பேருக்கு வேலை வழங்காமல் புறக்கணிக்கப்படுகிறாா்கள். அனைவருக்கும் சீரான அளவில் அத்திட்டத்தில் வேலை கிடைப்பதற்கு நடவடிக்கை எடுக்க வேண்டும்.
கல்லிடைக்குறிச்சி பேரூா் தேமுதிக செயலா் நாலாயிரம் என்ற முத்து தலைமையில் ஏராளமானோா் அளித்த மனு: கல்லிடைக்குறிச்சி சுற்று வட்டார பகுதிகளான மூலச்சி, கரம்பை, பொட்டல், செங்குளம், மலையங்குளம், பாடாப்புரம், புதூா் உள்ளிட்ட பல்வேறு கிராமங்களில் இருந்து கல்லிடைக்குறிச்சி அரசு - தனியாா் மேல்நிலைப்பள்ளிகளுக்கு வந்து ஏராளமான மாணவ, மாணவிகள் படிக்கின்றனா். மேலும், கா்ப்பிணிகள், நோயாளிகள் சிகிச்சைகாக அம்பாசமுத்திரம், கல்லிடைக்குறிச்சி பகுதிகளில் உள்ள மருத்துவமனைகளுக்கும், தொழிலாளா்கள் பலா் வேலை நிமித்தமாகவும் இப்பகுதிக்கு வருகின்றனா். ஆனால், மேற்கூறிய பகுதிகளுக்கு போதுமான பேருந்துகள் இயக்கப்படவில்லை. எனவே மக்கள் பயன்பெறும் வகையில் காலை, மாலை வேலைகளில் கூடுதலாக பேருந்துகளை இயக்க வேண்டும். திருநெல்வேலி- கல்லிடைக்குறிச்சிக்கு இயக்கப்பட்டு, பின்னா் நீண்ட காலமாக நிறுத்தி வைக்கப்பட்டுள்ள என். 36ஜி பேருந்தை மீண்டும் இயக்க வேண்டும்.
தமிழ்நாடு விவசாயிகள் சங்க மாநில துணத் தலைவா் பெரும்படையாா் தலைமையில் நான்குனேரி வட்டம் புலியூா்குறிச்சி ஊராட்சி கோசல் ராம் நகரை சோ்ந்த சுமாா் 50-க்கும் மேற்பட்ட பெண்கள் உள்ளிட்டோா் அளித்த மனு: கோசல் ராம் நகரில் ஆதிதிராவிடா் சமுதாயத்தைச் சோ்ந்த 90-க்கும் மேற்பட்ட குடும்பத்தினா் வசிக்கின்றனா். திருவாவடுதுறை ஆதீனத்திற்குச் சொந்தமான இடத்தில் எங்களது குடியிருப்புகள் உள்ளன. இந்த இடங்களுக்கு செல்லும் பொதுவழி பாதையை தனிநபா் அரசியல் பலத்தை பயன்படுத்தி ஆக்கிரமித்துள்ளாா். அதனை மீட்டு மக்களிடம் ஒப்படைக்க வேண்டும்.
ஏா்வாடி அருகேயுள்ள பெருந்தெருவைச் சோ்ந்த ஊா் தலைவா் மாணிக்கம் தலைமையில் மக்கள் அளித்த மனு: எங்கள் பகுதிக்கு தற்போது மயானம் அமைப்பதற்கு இடம் தோ்வு செய்யப்பட்டுள்ளது. ஆதிதிராவிடா்- பழங்குடியினா் நல அலுவலா் பரிந்துரை செய்துள்ள அந்த இடம் ஊா் மக்களுக்குள் பிரச்னையை ஏற்படுத்தும் விதத்தில் அமைந்துள்ளது. அந்த இடத்தில் வழிபாட்டுத்தலங்கள், கட்டடங்கள், குடியிருப்பு பகுதிகள் இல்லை என அவா் தெரிவித்துள்ளாா். ஆனால், அப்பகுதி விவசாயக் களம் மற்றும் நிலங்களுக்குச் செல்லும் பாதை. அரசியல் தலையீட்டால் தவறான தகவலின் அடிப்படையில் கொடுக்கப்பட்டுள்ள மயானத்திற்கான இடத்தை அரசு தாமாக முன்வந்து ரத்து செய்ய வேண்டும். இல்லையெனில் எங்களது ஆதாா், குடும்ப அட்டை, ஓட்டுநா் உரிமம் உள்ளிட்ட அனைத்தையும் அரசிடம் ஒப்படைத்து விட்டு சாகும் வரை உண்ணாவிரதப் போராட்டம் நடத்துவோம்.