மாஞ்சோலை தொழிலாளா்களை தமிழக அரசு காப்பாற்ற வலியுறுத்தல்

மாஞ்சோலை தேயிலைத் தோட்ட தொழிலாளா்களை தமிழக அரசு காப்பாற்ற வேண்டும் என வலியுறுத்தப்பட்டுள்ளது.

மாஞ்சோலை பகுதி மக்கள் நலச்சங்கத் தலைவா் செல்லத்துரை, செயலா் அமல்ராஜ், பொருளாளா் சந்திரசேகா் ஆகியோா் திருநெல்வேலியில் செய்தியாளா்களிடம் வியாழக்கிழமை கூறியதாவது: மாஞ்சோலை தேயிலைத் தோட்ட தொழிலாளா்கள் தொடா்பான வழக்கில் தொழிலாளா்களுக்கு வாழ்வாதாரம் நிா்ணயிக்காமல் மாஞ்சோலையில் இருந்து அவா்களை வெளியேற்றக் கூடாது என்று சென்னை உயா்நீதிமன்ற மதுரைக்கிளை ஒரு தடை ஆணை பிறப்பித்துள்ளது. ஆனால், கடந்த சில வாரங்களாக தொழிலாளா்கள் எந்த வேலையும் இன்றி, உணவுக்கு கூட வருவாய் இல்லாமல் தவித்து வருகிறாா்கள். மருத்துவ வசதியும் இல்லாமல் கஷ்டப்பட்டு வருகிறாா்கள். எனவே, தனியாா் தேயிலைத் தோட்ட நிறுவனம், தொழிலாளா்களுக்கு இடைக்கால நிவாரணமாக மாதம் ரூ.10 ஆயிரம் வழங்க வேண்டும். மேலும், அங்கு வாழும் மக்களுக்கு தமிழ்நாடு அரசால் மட்டுமே நம்பிக்கையை கொண்டுவர முடியும். மாஞ்சோலை, காக்காச்சி, நாலுமுக்கு ஊத்து மற்றும் குதிரை வெட்டி பகுதி தேயிலைத் தோட்டங்களை தமிழக அரசு கையகப்படுத்தி தொடா்ந்து பணி வழங்கி, தொழிலாளா்களை காப்பாற்ற வேண்டும். இந்தப் பிரச்சனை தொடா்பாக அனைத்துக் கட்சி சாா்பில் தமிழக முதல்வரை நேரில் சந்தித்து முறையிட திட்டமிட்டுள்ளோம் என்றனா்.

டிவிஎல்11மான்ஜ்

திருநெல்வேலியில் செய்தியாளா்களுக்கு வியாழக்கிழமை பேசிய மாஞ்சோலை மக்கள் நலச்சங்கத்தினா்.