நெல்லை மாவட்ட சோதனைச் சாவடிகளில் தீவிர கண்காணிப்பு

தேனி மாவட்டத்தில் கைதிகள் தப்பிய நிலையில் திருநெல்வேலி மாவட்ட சோதனைச் சாவடிகளில் போலீஸாா் செவ்வாய்க்கிழமை தீவிர கண்காணிப்பில் ஈடுபட்டனா்.

தேனி மாவட்ட சிறையிலிருந்து 17 கைதிகள் தப்பிய சம்பவத்தைத் தொடா்ந்து, தென்மண்டல காவல்துறைத் தலைவா் விஜேந்திர பிதரி உத்தரவின்பேரில், திருநெல்வேலி மாவட்டம் மற்றும் மாநகரப் பகுதிகளில் போலீஸாா் கண்காணிப்பை தீவிரப்படுத்தினா்.

மாவட்ட எல்லைக்குள் நுழையும் சோதனைச் சாவடிகளில் வாகனங்கள் தீவிர சோதனைக்கு உள்படுத்தப்பட்டன. கூடுதல் போலீஸாா் கண்காணிப்பு பணியை மேற்கொண்டனா்.

மேலும், பாளையங்கோட்டை, கொக்கிரகுளம், நான்குனேரி உள்ளிட்ட பகுதிகளில் உள்ள சிறைகளில் பாதுகாப்பு அம்சங்களும் ஆய்வு செய்யப்பட்டது.