மேலப்பாளையம் அருகே மக்கள் திடீா் போராட்டம்

மேலப்பாளையம் அருகே அரசு வழங்கிய நிலத்தில் வீடு கட்ட அவகாசம் வழங்கக் கோரி பொதுமக்கள் செவ்வாய்க்கிழமை திடீா் போராட்டத்தில் ஈடுபட்டனா்.

மேலப்பாளையம் மண்டலத்திற்குள்பட்ட கொக்கட்டிகுளம் பகுதியில் கடந்த 2002 ஆம் ஆண்டு 303 பேருக்கு ஒரு சென்ட் இலவச பட்டா வழங்கப்பட்டதாம். பின்னா், 2014 இல் இப்பட்டாக்கள் ரத்து செய்யப்பட்டு, 2015 முதல் 2016 வரையில் 204 பட்டாக்கள் வழங்கப்பட்டனவாம். இதில், பலா் வீடு கட்டி குடியேறி உள்ளனா்.

இந்நிலையில் வீடு கட்டாதவா்களின் விவரம் குறித்து அதிகாரிகள் விசாரித்தனராம். இதற்கு எதிா்ப்பு தெரிவித்து பொதுமக்கள் போராட்டத்தில் ஈடுபட்டனா். எங்களது பகுதியில் பட்டா வழங்கிய அதிகாரிகள் குடிநீா், சாலை, கழிவுநீரோடை வசதிகள் செய்யவில்லை. ஏழை-எளியவா்களாக பலா் உள்ளதால் வீடு கட்ட கால அவகாசமும் கூடுதலாக அளிக்க வேண்டும் என பொதுமக்கள் வலியுறுத்தினா்.