தூத்துக்குடி சார்ஆட்சியர் அலுவலகத்தில் நாளை  மாற்றுத் திறனாளிகளுக்கான சிறப்பு முகாம்

தூத்துக்குடி சார் ஆட்சியர் அலுவலகத்தில் மாற்றுத் திறனாளிகளுக்கான சிறப்பு முகாம் செவ்வாய்க்கிழமை (ஆக. 7) நடைபெறுகிறது.
 இதுகுறித்து சார்ஆட்சியர் பிரசாந்த் வெளியிட்ட செய்திக்குறிப்பு: தூத்துக்குடி மாவட்ட ஆட்சியரின் உத்தரவின்படி, தூத்துக்குடி மற்றும் ஸ்ரீவைகுண்டம் வட்டங்களில் உள்ள மாற்றுத் திறனாளிகள் பயன்பெறும் வகையில் சமூகப் பாதுகாப்பு திட்டத்தின் கீழ் செவ்வாய்க்கிழமை (ஆக. 7) பிற்பகல் 3 மணி முதல் தூத்துக்குடி சார்ஆட்சியர் அலுவலக வளாகத்தில் சிறப்பு முகாம் நடத்தப்பட உள்ளது.   
 தூத்துக்குடி மற்றும் ஸ்ரீவைகுண்டம் வட்டங்களில் உள்ள 18 வயதுக்கு மேற்பட்ட மாற்றுத் திறனாளிகளில் 40 சதவீதம்  மற்றும் அதற்கு மேற்பட்ட சதவீதமுள்ள மாற்றுத் திறனாளிகள் அரசு மற்றும் தனியார் வேலையில் இல்லாத மற்றும் மாவட்ட மறுவாழ்வு அலுவலகம், சமூக பாதுகாப்புத் திட்டம் மற்றும் பிற திட்டங்கள் மூலம் உதவித்தொகை பெறாத தகுதியுள்ள மாற்றுத் திறனாளிகள் முகாமில் தங்களது அடையாள அட்டை, ஆதார் அட்டையுடன் கலந்துகொள்ளலாம். மேலும், உழவர் பாதுகாப்புத் திட்டத்தின்கீழ் கல்வி உதவித்தொகை, இறப்பு நிவாரணம், திருமண உதவித்தொகை கோரும் பயனாளிகளும் முகாமில் கலந்துகொண்டு பயன்பெறலாம் எனத் தெரிவிக்கப்பட்டுள்ளது.