தச்சமொழியில்  பயனற்ற நிலையில் குடிநீர்த் தொட்டி

சாத்தான்குளம் தச்சமொழியில் ஆழ்துளைக் கிணற்றில் தண்ணீர் வற்றியதால், குடிநீர்த் தொட்டி பயனற்று காணப்படுகிறது. 
பேரூராட்சி சார்பில், தச்சமொழி நாடார் தெற்கு தெருவில் கடந்த 2ஆண்டுகளுக்கு முன்பு ஆழ்துளைக் கிணறு அமைத்து ரூ. 2 லட்சம் மதிப்பில் 2 ஆயிரம் லிட்டர் கொள்ளளவு கொண்ட தொட்டி அமைக்கப்பட்டு, குடிநீர் விநியோகிக்கப்பட்டது.
இந்நிலையில் ஆழ்துளைக் கிணற்றில் தண்ணீர் வற்றியதால்,  குடிநீர்த் தொட்டி பயன்பாடு இல்லாமல் முள்புதர் வளர்ந்து காணப்படுகிறது. 
இதுகுறித்து நகர பாஜக தலைவர் அ. ராம்மோகன் கூறியது: குடிநீர்த் தொட்டி பயனற்று கிடப்பதால் சேதமடையும் நிலை உள்ளது. எனவே அதிகாரிகள்  பார்வையிட்டு ஆழ்துளைக் கிணற்றை சீரமைக்க வேண்டும். அல்லது அருகே உள்ள 1ஆவது மேல்நிலை நீர்த்தேக்கத் தொட்டியிலிருந்து தண்ணீர் ஏற்ற நடவடிக்கை எடுக்க வேண்டும் என்றார் அவர்.