கோவில்பட்டி பொறியியல் கல்லூரியில் தேசிய கருத்தரங்கு

கோவில்பட்டி நேஷனல் பொறியியல் கல்லூரியில் தேசிய அளவிலான கருத்தரங்கு 2 நாள்கள் நடைபெற்றது. 
இயந்திரவியல் பொறியியல் துறை சார்பில் நடைபெற்ற இக்கருத்தரங்கு தொடக்க நிகழ்ச்சிக்கு, கல்லூரி முதல்வர் சண்முகவேல் தலைமை வகித்தார். துறைத் தலைவர் காளிதாஸ் முருகவேல் முன்னிலை வகித்தார்.  
சென்னை எஸ்கார்ட்ஸ் நிறுவன விற்பனை வணிக மேலாளர் ஜான் எபன்ராஜ் ருசோகாயில் சிறப்பு விருந்தினராகக் கலந்துகொண்டு, கருத்தரங்கு மற்றும் தொழில்நுட்ப பயிற்சி வகுப்பை தொடங்கிவைத்துப் பேசினார்.
தொடர்ந்து,  நிகழ்ச்சி ஒருங்கிணைப்பாளர் அருள்மார்ஷல் மோஷி கருத்தரங்கின் முக்கியத்துவம் குறித்துப் பேசினார். பல்வேறு போட்டிகள் நடைபெற்றன. போட்டிகளில் வெற்றி பெற்ற மாணவர், மாணவிகளுக்கும், சாம்பியன் பட்டம் பெற்ற சிவகாசி மெப்கோ பொறியியல் கல்லூரி மாணவர், மாணவிகளுக்கும் பரிசுகள் வழங்கப்பட்டன. மாணவர் விஷால் நன்றி கூறினார்.