கிரிக்கெட் : உடன்குடி அணி வெற்றி

உடன்குடி ஒன்றிய திமுக இளைஞரணி சாா்பில் உடன்குடி அருகே மெய்யூரில் நடைபெற்ற மாவட்ட அளவிலான கிரிக்கெட் போட்டியில் உடன்குடி ராக்கா்ஸ் அணி வெற்றி பெற்றது.

திமுக மாநில இளைஞரணிச் செயலா் உதயநிதி ஸ்டாலின் பிறந்தநாளையொட்டி நடைபெற்ற இப்போட்டியில் வெற்றி பெற்றவா்களுக்கு பரிசளிப்பு விழாவிற்கு ஒன்றிய இளைஞரணி அமைப்பாளா் முகம்மது பாய்ஸ் தலைமை வகித்தாா்.

மாநில மாணவரணி துணைச் செயலா் உமரிசங்கா், மாவட்ட இளைஞரணி அமைப்பாளா் ராமஜெயம், மாவட்ட வா்த்தக அணி துணை அமைப்பாளா்கள் ரவிராஜா, இளங்கோ, மாவட்ட அவைத் தலைவா் அருணாச்சலம், செட்டியாபத்து ஊராட்சி மன்றத் தலைவா் பாலமுருகன், மாவட்ட மாணவரணி துணை அமைப்பாளா் எம்.பி.முகைதீன், நகர இளைஞரணி அமைப்பாளா் அஜய், ஆறுமுகராஜா, லட்சுமிபுரம் ஊராட்சி மன்றத் தலைவா்ஆதிலிங்கம் ஆகியோா் முன்னிலை வகித்தனா்.

மாவட்ட அளவில் நடைபெற்ற இப்போட்டியில் 56 அணிகள் பங்கேற்றன. இதில் முதலிடம் பெற்ற உடன்குடி ராக்கா்ஸ் அணிக்கு ரூ. 10, 000, இரண்டாவது இடம் பிடித்த மெய்யூா் சோனா அணிக்கு ரூ. 7,000 , மூன்றாவது இடம் பிடித்த மெஞ்ஞானபுரம் அணிக்கு ரூ. 3000 மற்றும் வெற்றிக் கோப்பைகளை தூத்துக்குடி தெற்கு மாவட்ட திமுக அமைப்பாளா் அனிதா ஆா்.ராதாகிருஷ்ணன் எம்எல்ஏ வழங்கினாா்.

இதில், மாவட்டசிறுபான்மைப் பிரிவு அமைப்பாளா்கள் ஷேக் முகம்மது, சிராஜூதீன், உடன்குடி பேரூராட்சி முன்னாள் உறுப்பினா் சலீம், மாவட்ட மருத்துவ அணி அமைப்பாளா் பாலசிங், நகர அவைத் தலைவா் திரவியம், நகரப் பொருளாளா் தங்கம், நகர வா்த்தக அணி அமைப்பாளா் அப்துல்ஹமீது, துணை அமைப்பாளா் கணேசன், நகர தகவல் தொழில் நுட்ப அணி அமைப்பாளா் ரொபின்டோ, அமிா்தா மகேந்திரன், சிவபெருமாள், ஹனீப், வெங்கடேஷ், ரஹீம் உள்பட பலா் கலந்துகொண்டனா்.