சாத்தான்குளத்தில் ஒரே தெருவில் அதிக வேகத்தடைகளால் அவதி

சாத்தான்குளத்தில் ஒரே தெருவில் 8 வேகத்தடை அடுத்தடுத்து உள்ளதால் வாகன ஓட்டிகள் விபத்துள்ளாவதாக புகாா் தெரிவித்துள்ளனா்.

சாத்தான்குளம் சிஎஸ்ஐ ஆலய தெருவிலிருந்து புளியடி மாரியம்மன் மேல்நிலைப் பள்ளி வழியாக புதிய பேருந்து நிலையத்துக்கு செல்லும் சாலையில் ஒவ்வொரு தெரு சந்திப்பிலும் வேகத்தடைகள் அமைக்கப்பட்டுள்ளன. இவ்வாறு ஒரே தெருவில் 8 வேகத்தடைகள் அமைக்கப்பட்டுள்ளது மக்களின் பாதுகாப்புக்காக என்றாலும், அவை சிறிய தடுப்பு சுவா் போல் அமைந்துள்ளதால் வாகன ஓட்டிகள் சிரமம் அடைந்து வருவதாக புகாா் தெரிவித்துள்ளனா். எனவே, பேரூராட்சி மற்றும் நெடுஞ்சாலைத் துறை அதிகாரிகள் இதனை கவனித்து வேகத்தடைகளின் எண்ணிக்கையையும், உயரத்தையும் குறைத்து சாலையைச் சீரமைக்க வேண்டும் என வாகன ஓட்டிகள் வலியுறுத்தியுள்ளனா்.