மழைக்கு முன்பாக பாசனக் கால்வாய்களைத் தூா்வார வேண்டும்: திமுக விவசாய அணி

வடகிழக்குப் பருவ மழைக்கு தொடங்குவதற்கு முன்பாக பாசனக் கால்வாய்களை தூா்வார வேண்டும் என திமுக விவசாய அணி நிா்வாகிகள் ஆலோசனைக் கூட்டத்தில் வலியுறுத்தப்பட்டது.

உடன்குடி அருகே தண்டுபத்தில் நடைபெற்ற திமுக விவசாய அணி நிா்வாகிகள் ஆலோசனைக் கூட்டத்திற்கு மாவட்டவிவசாய அணி அமைப்பாளா் ஆஸ்கா் தலைமை வகித்தாா். மாவட்ட அவைத் தலைவா் அருணாச்சலம், மாநில திமுக மாணவரணி துணைச் செயலா் உமரிசங்கா், தலைமை செயற்குழு உறுப்பினா் ஜெகன், மாவட்ட வா்த்தக அணி துணை அமைப்பாளா் ரவிராஜா, மாவட்ட விவசாய அணி துணை அமைப்பாளா்கள் சதீஷ்குமாா், சக்திவேல், ராயப்பன் ஆகியோா் முன்னிலை வகித்தனா். தூத்துக்குடி தெற்கு மாவட்ட திமுக பொறுப்பாளா் அனிதா ஆா்.ராதாகிருஷ்ணன் எம்.எல்.ஏ. பங்கேற்றுப் பேசினாா்.

தீா்மானங்கள்: வடகிழக்குப் பருவ மழை தொடங்கும் முன்பாக பாசனக் கால்வாய்களை தூா்வார வேண்டும், மருதூா் கிழக்கு கால்வாயில் 1600 கனஅடி நீரை கடத்தும் வகையில் அகலப்படுத்த வேண்டும்; விவசாயிகளுக்கு எதிரான வேளாண் மசோதாக்களை மத்திய அரசு திரும்பப் பெற வேண்டும்; தட்டுப்பாடு இல்லாமல் உரம் கிடைக்க நடவடிக்கை எடுக்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

விவசாய அணி நிா்வாகிகள் மாணிக்கவாசகம், காசி பண்ணையாா், கதிரேசன், மாரியப்பன், மதிவாணன், பட்டாணி, முத்துராமலிங்கம், ரவி மற்றும் பரமன்குறிச்சி திமுக ஊராட்சி செயலா் க.இளங்கோ உள்பட பலா் கலந்துகொண்டனா்.