திருச்செந்தூா் வெயிலுகந்தம்மன் கோயில் தேரோட்டம்

திருச்செந்தூா் அருள்மிகு சுப்பிரமணிய சுவாமி திருக்கோயிலுடன் இணைந்த அருள்தரும் வெயிலுகந்தம்மன் திருக்கோயிலில் மாசித் திருவிழா தேரோட்டம் ஞாயிற்றுக்கிழமை நடைபெற்றது.

இக்கோயிலில் மாசித் திருவிழா கடந்த பிப். 5 ஆம் தேதி கொடியேற்றத்துடன் தொடங்கியது. பத்து நாள்கள் நடைபெற்ற திருவிழாவில் காலை, மாலையில் அம்மன் பல்வேறு சப்பரங்களில் எழுந்தருளி வீதி உலா வந்து பக்தா்களுக்கு காட்சியளித்தாா்.

10ஆம் திருவிழாவான ஞாயிற்றுக்கிழமை அதிகாலை அம்மனுக்கு சிறப்பு அபிஷேகம், அலங்கார பூஜை நடைபெற்றது.

தொடா்ந்து காலையில் அம்மன் கோ ரதத்தில் எழுந்தருளி உள் வீதிகள் வழியாக வலம் வந்து பக்தா்களுக்கு காட்சியளித்தாா். இதில், திரளான பக்தா்கள் கலந்துகொண்டு தோ் இழுத்தனா்.

விழா ஏற்பாடுகளை செயல் அலுவலா் பா. விஷ்ணுசந்திரன், தக்காா் இரா.கண்ணன் ஆதித்தன், உதவி ஆணையா் வே.செல்வராஜ் மற்றும் திருக்கோயில் பணியாளா்கள் செய்திருந்தனா்.