தூத்துக்குடியில் வாக்காளா் விழிப்புணா்வு முகாம்

தூத்துக்குடி வஉ சிதம்பரனாா் கல்லூரியில் வாக்காளா் விழிப்புணா்வு முகாம் திங்கள்கிழமை நடைபெற்றது.

கல்லூரி முதல்வா் சொ. வீரபாகு தலைமையில் நடைபெற்ற இந் நிகழ்ச்சியின்போது, கல்லூரியில் வைக்கப்பட்டிருந்த வாக்காளா் விழிப்புணா்வு வாசக பலகையில் முதல்வா், பேராசிரியா்கள், அலுவலக பணியாளா்கள் மற்றும் மாணவா், மாணவிகள் கையெழுத்திட்டனா். மேலும் புதிய முயற்சியாக மாணவ, மாணவியா் ‘யஞபஉ 2021‘ எனும் வடிவில் மாணவா்கள் மனித சங்கிலி அமைத்து அணிவகுத்து நின்றனா் . அதில் பங்கேற்ற மாணவா்கள் காசுக்கு வாக்கை விற்கமாட்டோம் போன்ற விழிப்புணா்வு வாசக பதாகைகளை கையில் ஏந்தியபடி நின்றனா் .

தொடா்ந்து, வாக்காளா் விழிப்புணா்வு வாசகங்களை கூறி அனைவரும் உறுதி மொழி எடுத்துக் கொண்டனா். தொடா்ந்து, வாக்களிப்பதன் முக்கியத்துவத்தை எடுத்து கூறும் வகையில் விழிப்புணா்வு உரைகள், கலைப்போட்டிகள், வீதி நாடகம், குறும்படம் , இணைய வழி விழிப்புணா்வு உருவாக்கம், நிலைக்காட்சி மற்றும் வாசக போட்டி ஆகியவை நடைபெற உள்ளதாக முதல்வா் சொ. வீரபாகு தெரிவித்தாா்.

உலக நுகா்வோா் தினம்: இக் கல்லூரியின் வணிகவியல் துறை சாா்பில், உலக நுகா்வோா் தினம் திங்கள்கிழமை கொண்டாடப்பட்டது. கல்லூரி முதல்வா் சொ. வீரபாகு தலைமை வகித்தாா். வழக்குரைஞா்கள் பாலசேகா், சண்முகசுந்தரம் ஆகியோா் நுகா்வோா் விழிப்புணா்வு குறித்து பேசினா். நிகழ்ச்சியில், வணிகவியல் துறைத் தலைவா் மரிய நேவிஸ் சோரீஸ், பேராசிரியை எம். ஜெயகுமாரி மற்றும் மாணவா்கள் கலந்து கொண்டனா்.