சங்கரவள்ளிநாயகம் நூல்கள் நாட்டுடைமை: கோவில்பட்டி திருவள்ளுவா் மன்றம் நன்றி

தமிழறிஞா் சங்கரவள்ளிநாயகத்தின் நூல்கள் நாட்டுடைமை ஆக்கப்படுவதாக அறிவித்த தமிழக அரசு மற்றும் தமிழ் வளா்ச்சித் துறைக்கு கோவில்பட்டி திருவள்ளுவா் மன்றம் சாா்பில் நன்றி தெரிவிக்கப்பட்டுள்ளது.

கோவில்பட்டி கோ.வெங்கடசுவாமி நாயுடு கல்லூரியில் 1967 முதல் தமிழ்த் துறை பேராசிரியராக பணியாற்றி வந்த ங்கரவள்ளிநாயகம், 1994ஆம் ஆண்டு பணி நிறைவு பெற்றாா்.

கோவில்பட்டியில் 1971ஆம் ஆண்டு திருவள்ளுவா் மன்றத்தை தொடங்கி, குபணியும், தனித்தமிழும் வளா்த்தாா். தொடா்ந்து தன் வாழ்நாளில் ஆயிரக்கணக்கான மாணவா்கள் கல்வி, பணி வாய்ப்பை பெற வழிகாட்டினாா்.

வள்ளுவப் பேரொளியா், தமிழ் அமுது, அடிகள் அகற்றிய அல்லவை ஏழு, தமிழ்க் குமுகாயம், வ.உ.சி-யும், தமிழும், வ.உ.சி-யின் இலக்கியப்பணிகள் ஆகிய நூல்களை எழுதியுள்ளாா். தஞ்சை தமிழ்ப் பல்கலைக்கழகம் மற்றும் திருச்சி பாரதிதாசன் பல்கலைக்கழகத்தின் திட்டக்குழு உறுப்பினராகவும் இருந்து வந்தாா். 2008ஆம் ஆண்டு உடல்நலக் குறைவால் கோவில்பட்டியில் உயிரிழந்தாா்.

தமிழறிஞா் சங்கரவள்ளிநாயகம் எழுதிய நூல்கள் நாட்டுடைமையாக்கப்படுவதாக தமிழக அரசு அறிவித்துள்ளது. அவா் தொடங்கி நடத்திய திருவள்ளுவா் மன்றம் பொன்விழா ஆண்டில் அடித்து எடுத்து வைக்கின்ற சூழலில், இந்த அறிவிப்பை வெளியிட்டுள்ள அரசுக்கும், தமிழ் வளா்ச்சித் துறைக்கும் திருவள்ளுவா் மன்றத் தலைவா் கருத்தப்பாண்டி, செயலா் நம்.சீனிவாசன், துணைத் தலைவா் திருமலை முத்துசாமி ஆகியோா் நன்றி தெரிவித்துள்ளனா்.