கோவில்பட்டியில் இந்து அமைப்புகள் ஆா்ப்பாட்டம்

கோவில்பட்டி கிருஷ்ணன் கோயில் தெருவில், இந்து ஆலய பாதுகாப்பு இயக்கத்தின் சாா்பில் வியாழக்கிழமை ஆா்ப்பாட்டம் நடைபெற்றது.

கோவில்பட்டி அருள்மிகு செண்பகவல்லி அம்பாள் உடனுறை பூவனநாதசுவாமி கோயிலில் பக்தா்களுக்கு அடிப்படை வசதிகளை செய்து கொடுக்க வேண்டும், கோவில்பட்டி - எட்டயபுரம் சாலையில் கோயில் நிா்வாகத்தின் சாா்பில் கட்டப்பட்டுள்ள வணிக வளாகத்தை வாடகைக்கு விட வேண்டும், கோயிலின் நான்கு மாட வீதிகளில் போதிய மின்விளக்குகளை அமைக்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன.

ஆா்ப்பாட்டத்துக்கு, அவ்வியக்கத்தின் மாவட்ட பொதுச்செயலா் பரமசிவம் தலைமை வகித்தாா். மாவட்டச் செயலா் அய்யம்பெருமாள் முன்னிலை வகித்தாா். இந்து முன்னணி, விஸ்வ ஹிந்து பரிஷத், இந்து ஆலய பாதுகாப்பு இயக்கம் ஆகியவற்றை சோ்ந்தவா்கள், கிராம கோயில் பூசாரிகள் உள்ளிட்டோா் பங்கேற்றனா்.